रसुवा– सडक स्तरोन्नतिमा लगाएको रोक हटाउन माग राख्दै रसुवाको ठूलोस्याफ्रुका बासिन्दाले लाङटाङ राष्ट्रिय निकुञ्ज कार्यालय घेराउ गरेका छन्।
ठूलोभार्खुदेखि ठूलोस्याफ्रुसम्मको सडक स्तरोन्नतिमा निकुञ्जले रोक लगाएपछि मंगलबार साँझ उनीहरु निकुञ्ज कार्यालय घेराउ गर्दै अनसन बसेका हुन्। ठूलोभार्खुदेखि ठुलोस्याफ्रुसम्मको ९ किलोमिटर सडक स्तरोन्नति गर्ने क्रममा वातावरणीय प्रभाव मूल्यांकन (इआइए) नभएको भन्दै लाङटाङ राष्ट्रिय निकुञ्जले सडकको स्तरोन्नतिमा रोक लगाएको थियो।
अनसन बसेकामध्ये कान्छा तामाङले भने, ‘सडक नपुगेको हाम्रो ठाउँमा बल्ल वर्षौपछि कृषि सडक पुगेको छ, यसले हामीलाई धेरै सहज हुँदै गएको थियो तर निकुञ्जले रोकेपछि हामी अनसन बस्न बाध्य भएका छौं।’
सडक स्तरोन्नतिका लागि निकुञ्जले लगाएकोे रोक फुकुवा नगरेसम्म निकुञ्ज घेराउ गर्दै अनसन जारी राख्ने स्थानीयहरुले बताएका छन्।
पर्यटकीय क्षेत्रको रुपमा विकास भइसकेको ठूलोस्याफ्रुमा कृषि सडक निर्माणपछि भूकम्पपछिको पुनःनिर्माणमा सहयोग पुगेको थियो। ९ किलोमिटर लामो सडक ४ मिटरको साँघुरो रहेकाले स्तरोन्नतिपछि सहज हुने आशामा रहेका स्थानीयहरु गुहार माग्दै निकुञ्ज कार्यालय आएका हुन्।
तत्काल समस्याको समाधान गरी सडक निर्माणको अवरोध हटाउन उनीहरुले माग गरेका छन्। सडक डिभिजन कार्यालय नुवाकोटले वातावरणीय प्रभाव मूल्यांकन नगरेको सडक ८ मिटर बनाई स्तरोन्नति गर्न दिएपछि यो समस्या थपिएको हो ।
सडक डिभिजन कार्यालय नुवाकोट मार्फत ठेकेदार कम्पनी स्वच्छन्द वर्ल्ड वाइज अमृत जेभीले टेन्डर भएको १ वर्षपछि सडक स्तरोन्नतिको काम अगाडि बढाएको थियो। ५ करोडको लागतमा सडकमा नाली बनाउने, मेसिनरी वाल र कटिङ, कज्वे निर्माण र ग्राभेलको काम गरिरहेको ठेकेदार कम्पनीले जनाएको छ।
१८ महिनामा निर्माण सम्पन्न हुनुपर्ने काम पटकपटकको अवरोधका कारण ढिला हँदै गएको बताइएको छ। अब उक्त सडकको निर्माण सम्पन्न गर्न ६ महिना मात्र बाँकी छ।
इआइएबिनाको सडक स्तरोन्नति गर्न नदिने लाङटाङ राष्ट्रिय निकुञ्ज कार्यालयका सहायक प्रमुख संरक्षण अधिकृत सूर्य खड्काले बताए। ९ किलोमिटर सडकको स्तरोन्नतिमा ४ मिटरको मात्र इआइए भएको निकुञ्जले जनाएको छ। बाँकी ५ मिटरको सडकका लागि नयाँ इआइए नभएकाले आफूहरुले रोक लगाएको उनको भनाइ छ।
‘अहिले स्तरोन्नति गरिरहेको सडकको इआइए छैन, जसले गर्दा निकुञ्जको जंगल फँडानी हुने देखेका छौं’, उनले भने, ‘सयभन्दा बढी रुख फँडानी हुने भएकाले कानुनतः सडकको स्तरोन्नति गर्न मिल्दैन।’
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
