राजविराज- आफ्नै ससुराले ज्वाइँको हत्या गरेको २४ घन्टा नबित्दै सप्तरीमा एक गर्भवतीको हत्या भएको छ।
राजविराज नगरपालिका–१५ मुसहर्नियाका १७ वर्षीया वेचनकुमारी साहलाई हत्या गरी ट्वाइलेटको रिङमा हालेको अवस्थामा शुक्रवार शव बरामद भएको होे। ४ महिने गर्भवती रहेकी बेचनकुमारीको शव कुहिएर दुर्गन्ध फैलिएपछि घटना बारे खुलासा भएको छ। ५/६ दिनअघि नै उनको हत्या भएको अनुमान छ।
स्थानीयले दुर्गन्ध आएपछि खोजी गर्ने क्रममा ट्वाइलेटको रिङमा बेचनीकुमारीको शव फेला पारेपछि प्रहरीलाई खबर गरेका थिए। प्रहरीले घटनास्थलको मुचुल्का तयार पारी शव पोष्टमार्टमका लागि राजविराजस्थित गजेन्द्रनारायण सिंह सगरमाथा अञ्चल अस्पताल पठाएको छ।
यता मृतकका पति ३५ वर्षीय सुजकुमार साह डेढ वर्षीया छोरी प्रतिमालाई लिएर बेपत्ता रहेकोले पतिले नै हत्या गरेको माइती पक्षको आरोप छ।
सप्तरीका डिएसपी भावेश रिमालले पति शुक्रबारदेखि नै बच्चासहित गाउँमा नदेखिएकोले हत्या गरी फरार भएको हुनसक्ने बताए। घटनाबारे थप अनुसन्धान भइसकेको डिएसपी रिमालले बताए। यसअघि मंगलबार राति राजविराज नगरपालिका–९ मलेठमा ससुरा रामदयाल साहले कुटपिट गरी राजविराज–५ का दिपेन्द्र मण्डलको हत्या गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790399464.jpeg)
-1786602170.png)
