काठमाडाैं- सन् २०२२ फिफा विश्वकप र २०२३ एसिया कपको दोस्रो चरणको छनोट अन्तर्गत बाँकी रहेका दुई खेलहरु खेल्न नेपाली फुटबल टोली यतिबेला कुबेतमा छ।
विश्वकप छनोटको तेस्रो चरणमा पुग्ने नेपालको सम्भावना गाणितीय रुपमा बाँकी छ। तर, यो खेल एसियन कप २०२३ को छनोट पनि हो। यद्यपि, ‘होम एन्ड अबे’ को नियम भएपनि कोरोना महामारीका कारण नेपालले घरेलु मैदानका बाँकी अब बाँकी दुई खेल कुवेत सिटीमा खेल्दैछ।
तर, नेपालको एसियन कप छनोटको अर्को चरणमा पुग्ने सम्भावना भने आफ्नै हातमा छ ।
समूह ‘बी’मा रहेको नेपालको अब दुई खेल खेल्न बाँकी छ। हिजो भएको खेलमा नेपालले आफूभन्दा ३० स्थानमाथि रहेको चाइनिज ताइपेइलाई २–० ले पराजित गरेको थियो।
नेपाललाई एसियन कप छनोटको अर्को चरणमा पुग्ने हिजोको खेल जित्नै पर्ने दबाब थियो।
कुवेतेली प्रशिक्षकअब्दुल्लाह अलमुताइरीले आफ्नो लक्ष्य चौथो स्थान सुरक्षित गर्न र एसियन कप क्वालिफायर्समा मौका बनाउने रहेको भन्दै त्यसका लागि खेल जित्नैपर्ने स्थितिमा उत्रिने बताएका थिए।
उनले ताइपेइको टिममा खेलाडीहरु र प्रशिक्षक पनि नयाँ भएको भन्दै यसकै फाइदा लिँदै आक्रमक खेल खेल्ने बताएका थिए।
जुन रणनीति सफल भएको नेपाल फुटबल टोलीलाई नजिकैबाट नियाली रहेका बताउँछन् विक्रम लामा। नेपाली टोलीमा नरहेका उनले प्रशिक्षकको रणनीतिलाई खेलाडीहरुले न्याय गरेको बताए।
‘हामीले यसअगाडिका म्याचमा थोरै बल राखेर खेलेका थियौं। हिजोको म्याचमा हामीले बल होल्ड राखेर खेल्नुका साथै अट्याकिङ खेल पनि खेल्यौं। एउटा सही योजना र प्रशिक्षकको प्याट्रनमा केटाहरुले मेहनत गरेको बुझिन्छ। यसको मतलब प्रक्षिकको रणनीति सफल भएको मान्न सकिन्छ,’ उनले भने।
उनले नयाँ प्रशिक्षक आएपछि नेपाली खेलाडीको खेल्ने शैलीमा पनि परिवर्तन आएको दाबी गरे।
‘डेढ दुई वर्ष पहिला हामीलाई डिफेन्सिङ वर्कआउटमा धेरै फोकस गरिएको थियो। यसपालि प्रशिक्षकले डिफेन्समा मात्रै होइन अट्याकिङमा बढी फोकस गरेको देखिएको छ। यसले खेल्ने शैलीमै परिवर्तन आएको छ,’ उनले भने।
यस्तै, खेलाडीमा आत्मविश्वास बढेको पनि उनी बताए छन्।
‘हामीले डिफेन्समा मात्रै होइन अट्याकिङ पनि गर्नुपर्छ भन्ने खेलाडीमा धारण परिवर्तन भएको छ। यसका साथै बल होल्डमा राख्ने, कसरी खेलाउने र आफ्नो क्षमता देखाउन पाएका छन्। उहाँहरुले हिजोको म्याचमा आत्मविश्वासका साथ खेललाई न्याय दिने कोशिस गर्नुभएको छ,’ उनले भने।
हिजोको जितसँगै नेपालले विश्वकप छनोटको समूह चरणमा चौथो स्थानमा रहने पक्का गरेको छ। नेपालको एसियन कप छनोटको तेस्रो चरणमा प्रवेश गर्ने सम्भावना पनि जीवित रहेको छ।
६ खेलमा २ जित र ४ हारसहित ६ अंक रहेको छ। जितविहिन चाइनिज ताइपेइको ६ खेलमा कुनै अंक छैन। अष्ट्रेलियाले ४ खेलमा १२ अंक जोड्दा जोर्डन र कुवेतको ५/५ खेलमा समान १०/१० अंक रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1693220145.jpg)
-1786602170.png)
