अहमदावाद– भारतको अहमदाबादमा रहेको विश्वकै सबैभन्दा ठूलो क्रिकेट स्टेडियमको उद्घाटन गरिएको छ।
बुधबार भारतका राष्ट्रपति रामनाथ कोविन्दले उद्घाटन गर्दै ‘नरेन्द्र मोदी स्टेडियम’ नाम राखेका हुन्। तर उद्घाटन समारोहमा भने भारतीय प्रधानमन्त्री नरेन्द्र मोदी स्वयम उपस्थित थिएनन्।
गृहमन्त्री अमित शाह भने त्यहाँ उपस्थित भएका थिए। उक्त स्टेडियम शाहकै निर्वाचन क्षेत्रमा रहेको ठाउँ हो। यसअघि उक्त क्रिकेट स्टेडियमको नाम ‘सरदार पटेल स्टेडियम’ रहेको थियो।
१ लाख ३२ हजार दर्शकको क्षमता भएको उक्त स्टेडियममा संसारकै सबैभन्दा ठूलो क्रिकेट स्टेडियम मानिएको छ। अस्ट्रेलियाको मेलबर्नमा रहेको मेलबर्न क्रिकेट मैदान एक लाख २४ जना दर्शक क्षमताको छ।
यसअघिसम्म यही मैदानलाई विश्वको सबैभन्दा ठूलो क्रिकेट रंगशाला मानिदै आएको थियो। क्षमताकै आधारमा मेलबर्न क्रिकेट मैदान भन्दा नरेन्द्र मोदी रंगशालामा करिब ३२ हजार दर्शक बढि आट्नेछ।
विश्वभरिमा नरेन्द्र मोदी रंगशाला र मेलबर्न क्रिकेट मैदान मात्रै एक लाख भन्दा बढि दर्शक क्षमता भएका रंगशाला हुन्। यी बाहेक ५० हजार दर्शक क्षमताको रंगशाला विश्वभरि जम्मा १० वटा छन्।
जसमध्ये आठ वटा भारतमै रहेका छन् भने ५० हजारभन्दा बढि दर्शक क्षमताको बाँकी दुई रंगशाला अस्ट्रेलियामा छ। विश्वकै पूरानो लर्ड्स क्रिकेट मैदानको दर्शक क्षमता भने ३० हजार रहेको छ।
उद्घाटनपछि बोल्दै अहमदाबाद अब स्पोर्टस् सिटीको रुपमा विकास हुने बताएका छन्।
उनले भनेका छन्, ‘ मोदी जी जब गुजरातमा मुख्यमन्त्री थिए, तब एउटा ठूलो क्रिकेट स्टेडियम बनाउने उनको सपना थियो, यो पुरा भएको छ। अब बाँकी सबै भवनहरु अन्तराष्ट्रिय मापदण्ड अनुसार बन्ने छ र मोदीले बनाएको हेरिटेज सिटीलाई अब स्पोर्टस् सिटीको नामले चिन्ने छ।’
स्टेडियमको करिब २५१ करोड रुपैयाँको लागतमा विश्वकै सबैभन्दा ठूलो स्पोर्ट्स कम्प्लेक्स बन्नेछ। यसको नाम ‘सरदार वल्लभ भाइ पटेल स्पोर्टस् कम्प्लेक्स’ हुनेछ।
‘सरदार पटेल स्पोर्टस् कम्प्लेक्स २३० हजार एकड जमीनमा बन्नेछ। यसबाहेक १८ एकडको छुट्टै स्पोर्टस् क्लब बन्नेछ। जहाँ देशका खेलाडि तथा कोचहरुको लागि बस्ने व्यवस्था समेत हुन्छ। यहाँ एकैसाथ ३ हजार मानिस ट्रनिङ समेत लिन सक्नेछन्,’ गृहमन्त्री शाहले भने।
स्पोर्टस् कम्प्लेक्स, स्टेडियम, नारायणपुरा स्पोर्टस् कम्प्लेक्स मिलाएमा २३३ एकड जमिन हुनेछ। यसमा कुनै पनि अन्तराष्ट्रिय खेल प्रतियोगिता गर्न सकिने उनले बताए।
यसको निर्माण कार्य ६ महिनामै सकिने छ। साथै ट्रयाक एण्ड फिल्ड तथा फुटबलको लागि ५० हजार दर्शकको क्षमतावाला स्टेडियम पनि बन्नेछन्।
यतिमात्र होइन १५ हजार मानिस बस्ने ध्यानचन्द स्टेडियम पनि बन्नेछन्।
उक्त ठाउँमा ३ हजार अपार्टमेन्ट जसमा १२ हजार ५ सय बालबालिका प्रशिक्षण पाउनेछन्। १२ हजार कार तथा ३५ हजार टुह्विलरको पार्किङको समेत व्यवस्था गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764941657.png)
-1764939100.png)
-1764935841.png)
-1764934790.png)
-1764933611.png)
-1764146706.png)
-1763721444.png)
