काठमाडौं- भजन सम्राटका उपनामले चिनिएका भारतीय गायक नरेन्द्र चञ्चलको निधन भएको छ। शुक्रबार दिउँसो आफ्नै भारतको विहारस्थित आफ्नै घरमा चञ्चलको निधन भएको हो।
विहारको घर आफ्ना लागि सबैभन्दा बढी प्रिय भएको उनले विभिन्न अन्तवार्तामा बताउँदै आएका थिए।
केही वर्षदेखि नै रोगले थलिएका चंचल दुनियाँ छाडेर त गए तर उनका भजन भने सधैं कानमा गुञ्जिरहनेछ। उनै भजन सम्राट नरेन्दै चञ्चलसँग जोडिएका रोचक प्रसंग:-
नरेन्द्र चञ्चलको जन्म पञ्जाबको अमृतसरमा १६ अक्टोबर १९४० मा भएको थियो। उनी सानैदेखि धार्मिक परिवारमा हुर्किए। सानैदेखि भजन र आरतीमा चासो राख्ने उनले बाल्यकालदेखि भजन गाउन सुरु गरेका थिए।
स्कुले जीवनमा चञ्चल चञ्चले स्वभावका थिए। त्यसैले उनलाई पढाउने गुरु दिक्क भएर उनलाई चञ्चल भनेर बोलाउन थाले। त्यही नामलाई ठूलो भएपछि उनले नामको पछाडि जोडे र आफ्नो नाम नरेन्द्र चञ्चल बनाए।
निकै लामो समयसम्म संघर्षपछि मात्रै उनी बलिउड संगीतको हिस्सा बन्न सके। उनले राज कपुरले निर्देशन गरेको बेबी नामक फिल्ममा पहिलो पटक उनले गीत गाएका थिए। गीतको बोल थियो, 'बेसक मन्दिर मस्जिद तोडो'। यही गीतले उनलाई उत्कृष्ट पुरुष प्लेब्याक सिंगरको रुपमा अवार्ड पनि जितायो।
बेबी फिल्ममा गीत सफल हुने बित्तिकै चंचलमा घमण्ड पनि बढेर आएको धेरैले विश्लेषण गरेका छन्।
उनले 'जगराती'मा भजन गाउन पनि छोडे। जगरातीमा भजन गाउन छाड्दाको सजाय पनि उनले तुरुन्तै भोगे। उनले भनेका छन्, 'म कालीमाताको मन्दिरमा गएको थिएँ, त्यहाँ मलाई भजन गाउन भनियो। तर मैले मेरो स्वास्थ्य अवस्था ठिक छैन भनेर झुठ बोलिदिएँ। घर आएपछि मात्रै थाहा भयो, मेरो त आवाज नै गायब भएछ,' उनले अगाडि भने, 'म निकै चिन्ति बनें। केही समयपछि उनि फेरि त्यही मन्दिरमा गए। त्यहाँका मानिसहरूले तिम्रो स्वास्थ्य कस्तो छ भनेर सोधे। त्यही समयमा उनले सबैसँग माफी मागे। त्यो समयमा मन्दिरमा यज्ञ भइरहेको थियो। त्यहाँ पेडाबाट बनेको लस्सी पाइन्थ्यो। उक्त लस्सी उनले पिए। त्यो पिउने बित्तिकै उनको आवाज फिर्ता आएको बताइन्छ। यो घटनापछि भने उनले प्रण नै गरे, कहिल्यै माताको भजन गाउन पछि पर्नेछैन।
चञ्चलले मिडनाइट सिंगर नामको एक आत्मकथाको किताब पनि निकालेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1768395492.png)
