काठमाडौं- गायिका अन्जु पन्तद्वारा पहिलो पटक सङ्गीतबद्ध गरिएको गीत ‘धेरै माया नदेऊ मलाई’ बोलको गीतमा छोरी परितोषिकाले डेब्यु अभिनय गरेकी छन्।गायिका पन्तको अफिसियल युट्युब च्यानल ‘अन्जु पन्त अफिसियल’मार्फत् बिहीबार गीतको म्युजिक भिडियो सार्वजनिक गरिएको हो।
पन्तकै स्वरमा रहेको गीत गीतकार सुरेश वाग्लेले रचना गरेका हुन्। गीतको म्युजिक भिडियोमा परितोषिका साथमा मोडेल कुन्साङ बम्जन देखिएका छन्। १० वर्ष अघि रचना गरिएको गीत भएपनि आफ्ना लागि यो गीत विशेष र उत्कृष्ट बनेको गायिका पन्तको भनाइ छ।
'यो गजल भएपनि आधुनिक किसिमले पहिलो प्रयास स्वरुप मैले सङ्गीत भर्ने प्रयास गरेकी छु। सँगै छोरी परितोषिकाले पनि यो गीत धेरै मन पराएर यही गीतमार्फत् अभिनय यात्रा प्रारम्भ गरेकी छिन्। त्यसैले पनि यो केही विशेष छ,' गायिका पन्तले भनिन्। यो गजल फरक ‘थिम’मा लेखेकाले आफूलाई पनि विशेष लागेको सर्जक वाग्लेले बताए।
गीतको म्युजिक भिडियोलाई निकेश खड्काले निर्देशन गरेका छन्। फिल्म तथा थुप्रै म्युजिक भिडियोमार्फत् आफ्नो कामको अब्बलता प्रस्तुत गर्दै आएका खड्काले पहिले जस्तै गायिका पन्तसँग र छोरी परितोषिका पन्तसँगको संयोजनलाई दर्शक श्रोताले मन पराउने विश्वास व्यक्त गरे।
गीतमा अभिनय गरेकी परितोषिकाले आमा (अन्जु पन्त)लगायत सम्पूर्ण टिमको सामूहिक हौसलाकै कारण अभिनयमा आएको भन्दै सहयोगीप्रति आभार प्रकट गरिन्।
भिडियो
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
