काठमाडौं–निर्देशक जनकदीप पराजुलीको निर्देशनमा चलचित्र ‘चिलगाडी’ निर्माण हुने भएको छ। सञ्चारकर्मी रघुनाथ सापकोटाले निर्माण गर्ने चलचित्रको फूलपातीको दिन पारेर औपचारिक घोषणा गरिएको छ। चलचित्र सेलिब्रेटी नेपालको ब्यानरमा बन्न लागेको हो।
चलचित्रको मुख्य अभिनेतामा नाजिर हुसेनलाई अनुबन्ध गरिएको छ । नाजिरका लागि भूमिका सुहाउने अभिनेत्रीको खोजी भइरहेको निर्माण टिमले जानकारी दिएको छ। सामाजिक विषयवस्तुमा निर्माण हुने ‘चिलगाडी’ ले युवा पुस्ताको प्रतिनिधित्व गर्दै विशेष सन्देश दिने निर्माण पक्षको दाबी छ । चलचित्रको पटकथा तथा संवाद यम थापाले लेखेका हुन् ।
सागर प्रधानले छायाँकन गर्ने चलचित्रका अन्य कलाकार तथा प्राविधिकहरू टुंगो लाग्न बाँकी छ। फागुनमा फ्लोरमा जाने तयारीमा रहेको चलचित्र २०७८ सालको दसैंमा प्रदर्शन गर्ने लक्ष्य राखिएको छ।
कोरोना भाइरसका कारण सात महिनादेखि चलचित्र निर्माणदेखि प्रदर्शनसम्म ठप्प छ । तर, निर्माता तथा निर्देशकहरु सरकारले छायांकन अनुमति दिने आशमा धमाधम सामाजिक सञ्जालको माध्यमबाट नयाँ चलचित्रको घोषणा गरिरहेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771141186.png)
-1764146706.png)
-1770562345.jpg)
