ब्राजिलका विभिन्न जंगलहरूमा यो वर्ष लगातार आगलागीका घटना भइरहेका छन्। यसलाई सकेसम्म नियन्त्रण गर्न र घाइते जंगली जीवजन्तुका उपचार गर्नका लागि कयौं वातावरणविद्, डाक्टर र स्वयंसेवीहरू खटिइरहेका छन्।
तीव्र रूपमा आइरहने हावाका झोंकाहरू अनियन्त्रित रूपमा जंगलमा फैलँदा ठूलो क्षति गर्ने गरेको छ। यसले गर्दा वन्यजन्तुको उद्धारमा कठिनाइ हुने गरेको त्यहाँ वन्यजन्तुको उद्धारमा खटिएका स्वयंसेवीहरू बताउँछन्।
आगोबाट दग्ध सर्पको अवलोकन गर्दै भेटेनरी डाक्टरहरू।
आगलागीमा परी कतिपय जनावरहरूको सम्पूर्ण शरीर जलेर मृत अवस्थामा भेटिने गर्छ भने कयौं जनावरहरू छट्पटाइरहेको अवस्थामा देखिने गर्छन्। यस्तो बेलामा आफूहरूले उद्धार गर्ने गरेको र त्यसबाट केहीको ज्यान जोगाउन सकिएको तर केहीको भने मृत्यु नै हुने गरेको समेत उद्धारमा संलग्न भेटेनरी डाक्टरहरू बताउँछन्।
त्यहाँका एक स्थानीय, जो कुनै संघ संस्थामा आवद्ध नभई पनि आगलागी नियन्त्रणका लागि आफ्नो स्थानबाट सकेको गरिरहेका छन्।
जनावरको जीवनरक्षा गर्नका लागि विभिन्न प्रदर्शनसमेत गरिएका छन्। सामाजिक सञ्जालदेखि ब्राजिलका सडकसम्म वन्यजन्तुको जीवनरक्षाका लागि विभिन्न प्रदर्शन भएका छन्। ब्राजिलकै भेटेनरी डाक्टहरूले आफूलाई जस्तोसुकै कठिन परिस्थितिमा भएपनि जनावरहरूको उद्धार र उनीहरूका उपचारमा खटिइरहेका छन्।
उनीहरूलाई अन्य देशका डाक्टरहरूले पनि सहयोग गरिरहेका छन्। विभिन्न देशबाट सहयोगार्थ रकम तथा उपचारका लागि सामग्रीहरू प्राप्त भइरहेको मदरसीप समाचार संस्थाले जनाएको छ।
हाल त्यहाँ अग्नि नियन्त्रक यानहरू तैनाथ गरिएको छ। विभिन्न संघसंस्थासँग आबद्ध नभएका मानिसले पनि विभिन्न उद्धारका काममा सहयोग गरिरहेका छन्।
३५ वर्षीय कार्लोस अगस्टो, आगो निभाउनका लागि जम्मा गरी राखिएको पानी निकाल्दै।
ब्राजिलको प्यान्टनल वेटल्यान्ड (आर्द्रभूमि)मा यो वर्षमात्र कैयौं पटक आगलागी भइसकेको छ। जसले धेरै नै नोक्सानी पुर्याएको छ। यसले ब्राजिललाई मात्रै नभएर विश्वकै पर्यावरणलाई पनि उत्तिकै क्षति पुर्याएको छ।
ब्राजिलको नेसनल इन्स्टिच्युट फर रिसर्चका अनुसार अघिल्लो वर्षभन्दा यो वर्ष तीन गुणा बढी आगलागी भएको छ। हिलो अर्थात् छिपछिपे भूमिलाई आर्द्रभूमि भन्ने गरिन्छ त्यस्ता ठाउँहरू प्रायः प्रदुषणमुक्त हुने गर्छन्। यस्तो ठाउँमा बायोडाइभर्सिटी अत्यधिक हुने गर्छ।
वेटल्यान्ड्सले बाढीमा आएको पानीलाई अवशोषित गर्ने भएकाले यहाँ जहिले पनि आर्द्रता हुने गर्छ। जसले गर्दा मानिसहरूको बासस्थान जलमग्न हुने सम्भावना एकदमै कम हुने गर्छ।
वेटल्यान्ड्सको पर्यावरण संरक्षणका लागि महत्वपूर्ण भूमिका हुन्छ। यस्ता क्षेत्रमा वनस्पतिदेखि विभिन्न किसिमका जनावरहरू पाइने गर्दछन्।
यी तस्वीरमा वेट्ल्यान्ड्समा आगलागीले निम्त्याएको क्षतिको बारेमा देखाइएको छ।
गत वर्षभन्दा यो वर्ष त्यहाँ बढी आगलागी भएको बताइएको छ।
ब्राजिलको नेसनल सेन्टर फर प्रिभेन्सन अफ फरेस्ट फायरले सन् २०२० मा २९ लाख हेक्टेयर जंगलमा आगो लागिसकेको बताएको छ।
यहाँ केही क्षेत्रमा आपतकालीन अवस्था पनि घोषणा गरिएको थियो।
आगलागीको कारणले नदी वरपरको भूभागमा समेत क्षति पुगेको छ।
ब्राजिलका वातावरणमन्त्री रिकार्डो सेलेसले आगो धेरै नै फैलिएको बताएका छन्। ब्राजिलका राष्ट्रपति बोलसेनारोले प्यालेन्टल र अमेजनको जंगलमा लागेको आगलागीको विषयलाई लिएर सरकारको आलोचना गर्नु असान्दर्भिक भएको बताएका छन्।
यो क्षेत्रमा अगुआर, कपुचिन बाँदर, हरियो एनाकोडा र हजारौं छोटा पोथ्रा पाइन्छन्।
सुक्खा मौसममा ब्राजिलका जंगलमा प्रायः आगलागीका घटनाहरू अत्यधिक मात्रामा हुने गर्दछन् भने कहिलेकाहीँ किसान या पशुपालक समेतले जमिन सफा राख्नका लागि डँढेलो लगाइने गर्दछन्।
पूर्ण रूपमा जलेको अवस्थामा जंगलको बीचमा अवस्थित एक विशाल भवन।
आगलागीमा परी मृत्यु भएको गोहोरो।
धुवाँले ढाकिएको प्यान्टनल जंगल।
कोआटी नाम गरेको स्तनधारी जनावरको आधा डढेको खुट्टा।
कछुवाको डढेको हाड।
आगलागीबाट प्रभावित एक हरिणको स्याहार गर्दै एक डाक्टर।
विशेषज्ञका अनुसार अहिलेसम्म आगलागीमा परी कति जीवजन्तु, वनस्पतिको नाश भयो भन्ने यकिन तथ्यांक नभए पनि यसबाट धेरै ठूलो क्षति भएको छ।
बिबिसी हिन्दीबाट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
