काठमाडौं- दिवंगत राष्ट्रकवि माधवप्रसाद घिमिरेले रचना गरेका गीतहरु अजरअमर छन्। राष्ट्रकवि घिमिरेले मूलतः सुगम संगितका लागि गीत लेखेका थिए।
मंगलबार निधन भएका राष्ट्रकविद्वारा रचित गीतहरु सर्वाधिक लोकप्रिय थिए। ‘नेपाली हामी रहुँला कहाँ नेपालै नरहे...’ र ‘गाउँछ गीत नेपाली...’ नेपालजन सबैले सुनेका लोकप्रिय गीत हुन्। राष्ट्रकवि घिमिरेले रचना गरेको ‘नेपाली हामी रहुँला कहाँ’ गीतमा आवाज वरिष्ठ संगितकार नातिकाजीको छ। उक्त गीत नातिकाजीका गीतहरुमा संग्रहित छ।
नेपालीको गौरवगाथा समेटिएको ‘गाउँछ गीत नेपाली’मा आनन्द कार्की, कुन्ती मोक्तान, तारा थापा, ममता दिपबिमले स्वर दिएका थिए। उक्त गीतको संगीतकार उस्ताद गोविन्दलाल हुन्। राष्ट्रकवि रचित ‘सारंगी त रेटे पनि’ गीतलाई शिशिर योगीले स्वर भरेका छन्।
दिवंगत घिमिरेद्वारा रचित ‘लाग्दछ मलाई रमाइलो’ गीतमा लास्मित राई, यशोदा पराजुलीले स्वर दिएका छन्। नारायण गोपालले गाएको बहुचर्तित गीत ‘आज र राती’ गीतको रचना समेत राष्ट्रकवि घिमिरेले गरेका हुन्।
राष्ट्रकविले लेखेको अर्को गीत ‘आज भोली देख्दैनन्’ समेतमा नारायण गोपालले स्वर दिएका थिए। घिमिरेले लेखेका गीतमा नयाँ पुस्ताका कलाकारले समेत स्वर दिएका छन्। रामभक्त जोजीजुले गाएको ‘यो छाया छवि’ घिमिरेद्वारा रचित गीत हो। संगिता प्रधानले स्वर दिएको ‘पानी सीम सीम बर्सिएर’ बोलको गीत राष्ट्रकविको रचनामा थियो। तारादेवीले गाएको ‘फूलको थुङ्गा’ गीतको रचनाकार समेत घिमिरे हुन्।
दावा ग्याल्मोले स्वर दिएको ‘सय र पत्री’ बोलको गीतको रचनाकार पनि राष्ट्रकवि घिमिरे हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766481032.png)
-1764146706.png)
-1763721444.png)
