‘स्याडिस्ट अपराधी’ जो अरुको सम्पत्तिमा आगो लगाएर रमाउँछन्

शनिबार विशेष

नेपाल लाइभ मंगलबार, वैशाख ११, २०७५ ०५:५४

सर्लाही– तराईमा प्रहरीले ‘सिरियल किलर’लाई पटक पटक पक्राउ गर्दै आएका छ। आइतबार भने अचम्मको सिरियल अपराधमा संलग्न व्यक्तिहरु पक्राउ परेका छन्। विगत ४ वर्षदेखि सर्लाहीका विभिन्न ठाउँमा श्रृङखलाबद्ध रुपमा आगजनी गर्दै आएका २ व्यक्तिलाई प्रहरीले पक्राउ गरेको हो।

सर्लाहीको कबिलास नगरपालिकाका ४० वर्षिय कृष्ण नन्दन राय यादब र २२ बर्षिय बलिराम रायलाई प्रहरीले पक्राउ गरेको हो। उनीहरुले अरुको सम्पतीमा आगो लगाएर आनन्द लिने गरेका थिए। अरुलाई दुःख दिएर आनन्द लिने ‘स्याडिस्ट’ सोच उनीहरुमा रहेको प्रहरीले जनाएको छ।

इलाका प्रहरी कार्यालय हरिपुरका प्रहरी निरीक्षक अनिल ठकुरीका अनुसार उनीहरुले विगत ४ वर्षदेखि आगो लगाउने गरेका थिए। कसैले प्रगती गरेको सहन नसकी उनीहरुको सम्पतीमा आगो लगाउने गरेका थिए।

गत चैत २३ गते उनीहरुले सर्लाहीको सदनपुर बजारस्थित धिरेन्द्र राय यादबको कस्मेटिक पसल, स्टेशनरी तथा कपडा पसलमा आगो लगाएका थिए। आगलागीमा करिब १० लाख रुपैयाँ बराबरको धनमाल नष्ट भएको थियो। घटनाको अनुसन्धानको क्रममा उनीहरुले आगो लगाएको खुलेको हो।

उनीहरुले विगतमा विभिन्न व्यक्तिको गोठ, घर तथा धानबालीमा समेत आगो लगाएको खुलेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

ब्रह्माण्ड किन बन्यो भन्ने प्रश्नको उत्तर खोज्न वैज्ञानिक प्रतिस्पर्धा

नागरिकमाथि गोली प्रहार गर्नु माओवादी हिंसाको चरम कायरता थियो : सिटौला

भिजिट भिसा प्रकरण : आरोप साँचो सावित भए मन्त्री पदमात्र होइन, राजनीति नै छोड्छुः गृहमन्त्री लेखक