काठमाडौं– विदेशमा अलपत्र रहेका नेपालीहरु स्वदेश फर्काउन चोथो उद्धार उडान तालिका तय भएको छ।
संस्कृति, पर्यटन तथा नागरिक उड्डयन मन्त्रालयले ३१ जुलाई देखि अगस्ट ८ सम्मको चौथो उद्धार उडान तय गरेको हो।
चौथो उद्धार उडान नेपाल एयरलाइन्स, हिमालय एयरलाइन्ससँगै विभिन्न अन्तर्राष्ट्रिय वायुसेवा कम्पनीहरुले गर्नेछन्। मालिन्दो, इतिहाद, जजिरा, एयर अरेविया, फ्लाई दुबई, कतार एयरवेज गरी ७ विदेशी वायुसेवा कम्पनीहरुले उडान अनुमति पाएका छन्।
यी उडानमार्फत मलेसिया, साउदी, चीन, कुवेत, युएई, जापान, अस्ट्रेलियालगायत मुलुकमा अलपत्र परेका नेपालीहरुको उद्धार गरिने उल्लेख गरिएको छ।
यसअघि विदेशमा अलपत्र ३५ हजार १ सय ८८ नेपालीहरुको उद्धार गरिसकिएको कोरोना संकट व्यवस्थापन केन्द्र सिसिएमसीले जनाएको छ।
३१ जुलाईमा जापान र कुवेतबाट नेपाल एयरलाइन्सले नेपालीहरु ल्याउनेछ। हिमालय एयरलाइन्सले चीन र कुवेतबाट नेपालीहरुको उद्धार गर्नेछ। जजिरा एयरले कुवेत र फ्लाई दुवईले दुवईमा अलपत्र नेपालीहरु ल्याउनेछ।
१. अगस्टमा नेपाल एयरलाइन्सले मलेसिया र कतारमा समस्यामा परेका नेपालीहरु ल्याउनेछ। सोही दिन हिमालय एयरलाइन्सले
कतार र युएईमा समस्यामा परेका नेपालीहरु ल्याउनेछ। इतिहादले अवुुधाबी र एयरअरेबियाले सारजाहबाट समस्यामा परेका नेपालीहरु ल्याउनेछ।
२. अगस्टमा नेपाल एयरलाइन्सले जेद्धा र दुवईबाट नेपालीहरु ल्याउनेछ। हिमालय एयरलाइन्सले अवुधाबी र कुवेतमा समस्यामा परेका नेपालीहरु ल्याउने तालिका तय भएको छ। त्यस्तै एयर अरेविया (सारजाह), मालिन्दो (क्वालालाम्पुर)बाट अलपत्र परेका नेपालीहरु ल्याउने तालिका तय भएको छ।
३. अगस्टमा नेपाल एयरलाइन्सले अस्ट्रेलिया र कतारबाट उडान भर्नेछ। हिमालय एयरलाइन्सले क्वालालम्पुर र अवुधाबीमा समस्यामा परेका नेपालीहरु ल्याउनेछ भने फ्लाई दुवईले दुवई तथा मलिन्दो एयरले मलेसियाबाट नेपालीहरु ल्याउनेछ।
४. अगस्टमा नेपाल‚ युएई‚ कतार र मलेसियामा अलपत्र परेका नेपालीहरु ल्याइने तालिका सार्वजनिक भएको छ। जसमा नेपाल एयरलाइन्सका दुई उडानमार्फत दुवई र कतारमा समस्यामा परेका नेपालीहरु ल्याइनेछ। हिमालय एयरलाइन्सले कतार र मलेसियामा अलपत्र परेका नेपालीहरु ल्याउनेछ। त्यस्तै फ्लाई दुवईले दुवईमा अलपत्र परेका र मलिन्दो एयरले मलेसियाबाट नेपालीहरु ल्याउने तालिका तय भएको छ।
५. अगस्टमा नेपाल एयरलाइन्सले रियाद र दमामबाट नेपालीहरु ल्याउनेछ। हिमालय एयरलाइन्सले अवुधाबी र दमामबाट ल्याउनेछ भने कतार एयरले दोहा र जजिरा एयरवेजले कुवेतमा समस्यामा परेका नेपालीहरु ल्याउनेछ।
६. अगस्टमा विदेशमा अलपत्र परेका नेपालीहरु उद्धारका लागि ६ वटा उडानहरु तय गरिएको छ। रियाद र दुवईबाट नेपाल एयरलाइन्सले नेपालीहरु ल्याउनेछ भने दमाम र कतारबाट हिमालय एयरलाइन्सले नेपालीहरु ल्याउने तालिका छ। त्यस्तै सोही दिन एयर अरेबियाले सारजाह र मलिन्दो एयरले मलेसियाबाट अलपत्र परेका नेपालीहरु ल्याउने तालिका छ।
७. अगस्टका लागि रियाद र दमामका लागि नेपाल एयरलाइन्सका दुईवटा उडान तय गरिएको छ। क्वालालम्पुर र दमामबाट हिमालय एयरलाइन्सले उडान भर्नेछ। सारजाहबाट एयर अरेयिबा र मलेसियाबाट मलिन्दो एयरले अलपत्र नेपालीहरु ल्याउने तालिका छ।
८. अगस्टका लागि पनि ६ वटा उडान तय गरिएको छ। नेपाल एयरलाइन्सले जेद्धा र दुवईबाट अलपत्र नेपालीहरु ल्याउनेछ। हिमालय एयरलाइन्सले क्वालालम्पुर र दमाम तथा इतिहादले अवुधाबी र मलिन्दो एयरले मलेसियाबाट नेपालीहरु ल्याउने तालिका रहेको पर्यटन मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
