यसरी रोकियो ६६ करोड विदेश लैजाने हायात रिजेन्सीका सराफको योजना

पर्यटन-उड्डयन

यसरी रोकियो ६६ करोड विदेश लैजाने हायात रिजेन्सीका सराफको योजना

उत्तम काप्री बुधबार, असार ३१, २०७७, १४:३८

काठमाडौं- तारागाउँ विकास समितिले तारागाउँ रिजेन्सी होटल (हायात) लिमिटेडका सञ्चालक राधेश्याम सराफलाई होटलमा रहेको विदेशी लगानी (शेयर) बापतको रकम विदेश लैजान रोकेको छ। तारागाउँ विकास समितिको असहमतिका कारण रकम विदेश लैजाने उनको योजना असफल भएको छ।

सराफले ६६ लाख ०६ हजार ६ सय ८० कित्ता सेयर बिक्रीबापतको रकम भन्दै ६६ करोड ६ लाख ६८ हजार रूपैयाँ विदेश लैजाने योजना बनाएका थिए।
रकम विदेश लैजान तारागाउँ विकास समितिले सबै तिरबाट पावर र पहुँचको भरमा सेटिङ मिलाएपनि अन्तत तारागाउँ विकास समितिले अनुमति नदिएसँगै रकम लैजाने खेलमा धक्का लागेको हो।

रकम विदेश लैजाने प्रक्रियाका लागि भन्दै होटल व्यवस्थापनको आग्रहअनुसार नेपाल राष्ट्र बैैंकले २०७७ जेठ १५ गते तारागाउँ विकास समितिसँग राय मागेको थियो। तारागाउँ विकास समितिले सबैभन्दा पहिले होटल व्यवस्थापनले सम्पत्ति तथा दायित्व मूल्यांकन (डिडिए) नगरी कुनै पनि रकम विदशे लैजान नदिने भन्दै रायमा सहमति दिएको थिएन।

विकास समितिको अध्यक्ष प्रल्हाद न्यौपानेले राष्ट्र बैंकले राय मागेको पत्रमा हस्ताक्षर नगरेसँगै सराफको ६६ करोड रकम विदेश लैजान योजन असफल भएको हो। तारागाउँ रिजेन्सी होटल लिमिटेडले २०७६ असोज १ र २०७६ पुस ७ गतेको पत्रहरू तथा सञ्चालक समितिको २०७६ साउन २६ को निर्णय अनुसार भन्दै उक्त रकम विदेश लैजान खोजेको थियो।

सोही निर्णयहरूबाट कम्पनीको चुक्ता पुँजी १ अर्ब ८८ करोड ६६ लाख ५४ हजार को ५० दशमलव ४० प्रतिशत हुने ९५ करोड ०८ लाख २९ हजार ८ सय रूपैयाँ बराबरको विदेशी लगानीमध्ये संस्थागत लगानीकर्ताको हिसाबमा पर्ने रकम भन्दै उक्त रकम विदेश लैजाने योजन होटलका सञ्चालकहरूले बनाएका थिए।

राष्ट्र बैंकले विकास समितिसँग मागेको रायको पत्रमा लेखिएको छ, ‘विदेशी लगानीकर्ताहरूको हिस्सामा पर्ने ६६ करोड ६ लाख ६८ हजार बराबरको विदेशी लगानी लेखांकनका लागि यस बैंकसमक्ष अनुरोध भई आएकोका उक्त कम्पनीको स्थापनाकालका शेयधनीहरूमध्ये तारागाउँ विकास समितिको सेयर स्वामित्व कम्पनीको तत्कालीन अवस्थाको चुक्ता पुँजी ४२ करोड ७५ लाखको ३९ दशमलव ७७ प्रतिशतले हुने १७ करोड रहेको देखिन आएको तथा उद्योग विभागको विभिन्न मितिको शेयर खरिद बिक्री गर्न स्वीकृत प्रदान गरिएको पत्र बमोजिम विकास समितिको शेयर लगानी रकम यथावतै रही सेयर स्वामित्व कम्पनीको चुक्ता पुँजीको ९ दशमलव ०१ प्रतिशत मात्रै देखिएको एवं सो बराबरको शेयर लगत समेत कम्पनी रजिस्ट्रारको कार्यालयबाट २०७६ जेठ २७ मा प्रमाणित भएको देखिएकोले उक्त कम्पनीको चुक्ता पुँजीको ५० दशमलव ४० प्रतिशतले हुने विदेशी लगानीमध्ये संस्थागत विदेशी लगानीकर्ताहरूको हिस्सामा पर्ने विदेशी लगानी लेखांकन गर्ने सम्बन्धमा विकास समितिको राय उपलब्ध गराइदिनुहुने अनुरोध गर्दछु।’

विदेश लैजान खोजिएको रकम