भैरहवा- रुपन्देहीको ओमसतिया गाउँपालिका ६ वृन्दावनकी १५ वर्षीया सरस्वती हरिजनको हत्यामा संलग्नलाई प्रहरीले पक्राउ गरी सार्वजनिक गरेको छ।
हत्यामा संलग्न ओमसतिया ६ शिवलवाहाका १८ वर्षीय प्रेम सागर केवटलाई प्रहरीले आज सार्वजनिक गरेको हो। प्रहरीले केवटलाई ओमसतिया ६ बाट हिजो पक्राउ गरेको थियो।
घरबाट शौचालय जान्छु भन्दै निस्किएकी हरिजन घर नफर्किएपछि परिवारले प्रहरीलाई खबर गरेपछि उनको शव घरभन्दा डेढ किलोमिटर टाढा खेतमा फेला परेको थियो।
आवेगले ज्यान गयो : प्रहरी
घटनाको अनुसन्धान गरिरहेको रुपन्देही प्रहरीले हरिजनको हत्या एकैछिनको आवेगले गर्दा भएको बताएको छ।
रुपन्देही प्रहरी प्रमुख श्याम ज्ञवालीले मृतक हरिजन र हत्यामा संलग्न केवटबीचको प्रेम सम्बन्धले मूर्तरुप पाउने नदेखिएपछि हरिजन र केवटबीच खटपट हुँदा हत्यासम्मको अवस्थामा पुगेको बताए। ज्ञवालीका अनुसार तीन-चार वर्षदेखि प्रेम सम्बन्धमा रहेका उनीहरुवीच विवाह असफल हुने भएपछि हत्याको अवस्था आएको हो।
बैसाख ३ गते राति उनीहरु घरबाट निस्किएका थिए। रातभर खेतमै बिताएको, शारीरिक सम्बन्ध राखेको र बिहानपख हरिजनले केवटलाई 'विवाह गर्ने भए गर नत्र मार' भनेपछि केवटले आवेगमा आई कपालले घाँटी कसी छाडेर भागेको अनुसन्धानका क्रममा खुल्न आएको प्रहरी प्रमुख एसपी ज्ञवालीले बताए।
सानै उमेरमा प्रेम सम्बन्धमा पर्नु, सामाजिक सञ्जालको दुरुपयोगका कारण समाजमा यस्ता खालका घटनाले स्थान लिएको ज्ञवालीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
