कोरोना महामारी : विश्वभर एकै दिन १ लाख २३ हजार संक्रमित थपिए

कोरोना अपडेट

नेपाल लाइभ आइतबार, असार २१, २०७७ ०६:४८

एजेन्सी–विश्व स्वास्थ्य संगठन (डब्लुएचओ) ले शनिबार २४ घण्टामा कोरोना ंसंक्रमितको संख्याले रेकर्ड कायम गरेको जनाएको छ।

शनिबार १ लाख २३ हजार २६ संक्रमित थपिएका हुन्। सबैभन्दा धेरै अमेरिका, ब्राजिल र भारतमा संक्रमित थपिएका छन्। यद्यपि दैनिक मृत्यु हुनेको संख्या भने स्थिर रहेको डब्लुएचओको भनाइ छ।

अमेरिकामा शनिबार ४८ हजार ३ सय ६१ नयाँ संक्रमित थपिएका छन्। यसमध्ये संक्रमितको दर उच्च रहेको फ्लोरिडामा ११ हजार ४ सय ५८ नयाँ संक्रमित छन्। अर्को कोरोना हटस्पट बनिरहेको एरिजोनामा ३ हजार १ सय १३ संक्रमित थपिएका छन्। मोन्टाना, साउथ क्यारोलिना, मिसिसिपी र क्यालिफोर्नियामा पनि अस्पताल भर्ना हुने क्रम वृद्धि भइरहेको जनाइएको छ।