कोरोना महामारी : विश्वभर १ करोड ११ लाख संक्रमित, ५ लाख २८ हजारको मृत्यु

कोरोना अपडेट

नेपाल लाइभ आइतबार, असार २१, २०७७ ०६:०८

एजेन्सी-विश्वभर कोरोना भाइरसबाट संक्रमित हुनेको संख्या १ करोड ११ लाख नाघेको छ। जोन्स हप्किन्स विश्वविद्यालयको पछिल्लो तथ्यांकअनुसार विश्वमा संक्रमितको संख्या १ करोड ११ लाख ८७ हजार १ सय ९३ पुगेको हो। संक्रमणबाट मृत्यु हुनेको संख्या ५ लाख २८ हजार ३ सय ६४ पुगेको छ।

सबैभन्दा बढी प्रभावित अमेरिकामा २८ लाख ३६ हजार ७ सय ६४ संक्रमित पुगेका छन् भने १ लाख २९ हजार ६ सय ५७ जनाको मृत्यु भइसकेको छ। यस्तै, ब्राजिलमा १५ लाख ३९ हजार ८१ संक्रमित र ६३ हजार १ सय ७४ मृत्यु, रुसमा ६ लाख ७३ हजार ५ सय ६४ संक्रमित र १० हजार ११ मृत्यु तथा भारतमा ६ लाख ४८ हजार ३ सय १५ र १८ हजार ६ सय ५५ जनाको मृत्यु भएको छ।