म्यानमारमा पहिरोमा परी कम्तीमा ५० जनाको मृत्यु

विश्व

नेपाल लाइभ बिहीबार, असार १८, २०७७ १३:१०

काठमाडाैं- म्यानमारको काचिन राज्यमा बिहीबार बिहान आएको भिषण पहिरोमा परी कम्तीमा ५० व्यक्तिको मृत्यु भएको त्यहाँको अग्नि सेवा विभागका अधिकारीहरुद्वारा जारी प्रेस विज्ञप्तिमा जनाइएको छ।

हपाकांत टाउनशिपको साटेमु गाउँमा रहेको जेड खानी साइटमा स्थानीय समयानुसार बिहीबार बिहान ८ बजे भिषण पहिरो आएको बताइएको छ। खानी साइडमा काम भइरेहको यस अवस्थामा कैयौँ व्यक्ति काममा व्यस्त रहेको अवस्थामा पहिरोले उनीहरुलाई पुरेको आशङ्का गरिएको छ। तर, यस विषयमा थप जानकारी आउन भने बाँकी रहेको छ।

सन् २०१६ को नोभेम्बर पनि उक्त साइडमा ठूलो पहिरो आउँदा ११६ व्यक्तिको मृत्यु भएको थियो। बिहीबारको पहिरोको बारेमा पनि प्रहरीले अनुसन्धान थालेको छ। केही दिन यतादेखि सो क्षेत्रमा अविरल वर्षा भइरहेको छ। वर्षापछि सो स्थानमा पहिरो आएको त्यहाँका सुरक्षा अधिकारीहरुले जनाएका छन्।