काठमाडौं– मंगलबार विभिन्न ८ वटा उडानमार्फत १५ सय ३० नेपाली स्वदेश फर्किएका छन्। कतार, मलेसिया, कुवेत, साउदी, युएईलगायतका मुलुकमा कोरोनाका कारण समस्यामा परेका नेपाली स्वदेश फर्किएका हुन्।
कतारबाट ९ बच्चासहित ४ सय ९९, कुवेतबाट ३ वटा उडानमार्फत ४ सय ७१ नेपाली फर्किएका छन्। मंगलबार नै युएईबाट एक बच्चासहित १ सय ६१, कतारबाट २ सय ६२, साउदीबाट १ सय ५३ र मलेसियाबाट १ सय ४६ नेपाली स्वदेश फर्किएको त्रिभुवन अन्तर्राष्ट्रिय विमानस्थलले जनाएको छ।
मंगलबार विदेशमा महिनौंदेखि अलपत्र अवस्थामा रहेका ११ वटा शव पनि ल्याइएको छ। कतारबाट १० र युएईबाट १ गरी ११ वटा शव ल्याइएको हो।
तस्वीर : रत्न श्रेष्ठ/रासस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।