स्थायी कमिटीमा ओलीलाई प्रश्न- तपाईंलाई हटाउन को सक्रिय भयो?

राजनीति

नेपाल लाइभ मंगलबार, असार १६, २०७७ १५:३०

काठमाडौं- सत्तारुढ नेपाल कम्युनिस्ट पार्टी (नेकपा) को जारी स्थायी कमिटी बैठकमा प्रधानमन्त्रीको पछिल्लो विवादित अभिव्यक्तिबारे नेताहरुले चासो दिएका छन्।

मंगलबारको बैठकमा बोल्ने नेताहरुले प्रधानमन्त्रीको आइतबारको अभिव्यक्तिबारे विस्तृत जानकारी मागेका छन्।

आइतबार मदन भण्डारीको जन्म जयन्तीको अवसरमा आइतबार बालुवाटारमा आयोजित कार्यक्रममा उनले आफूलाई हटाउन भारत सक्रिय भएको र त्यसमा नेपाली शक्तिले साथ दिएको भनेका थिए। त्यसको कारण भने उनले नयाँ नक्सा सार्वजनिक र संविधान संशोधनलाई देखाएका थिए।

मंगलबारको बैठकमा बोलेका पुष्पकमल दाहाल प्रचण्ड, झलनाथ खनाल तथा वामदेव गौतमले आफ्नो अभिव्यक्ति र आरोपलाई प्रष्ट पार्न भनेका थिए।

अध्यक्ष प्रचण्डले प्रधानमन्त्री ओलीको अभिव्यक्ति गम्भीर रहेकाले को सक्रिय भयो भन्ने जानकारी दिनुपर्ने बताएका थिए। बैठकमा बोलेका अन्य नेताहरुले पनि सोही आशयको जिज्ञासा राखेको एक स्थायी समिति सदस्यले जानकारी दिए।

बैठकमा अहिले खाजा ब्रेक चलिरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

प्रतिनिधिसभाको बैठक बस्दै, यस्तो छ कार्यसूची

आजको मौसमः देशका अधिकांश क्षेत्रमा बदली, वर्षाको सम्भावना

शक्तिशाली आँधीका कारण अमेरिकामा २१ जनाको मृत्यु