काठमाडौं- अखिल नेपाल फुटबल संघ एन्फाका अध्यक्ष कर्माछिरिङ शेर्पासँग १७ करोड रुपैयाँ लिएको आरोप लागेका खेलकुद मन्त्री जगतबहादुर विश्वकर्माले बिनाआधार कसैको छविलाई धमिल्याउन नपाइने भन्दै जवाफ दिएका छन्।
सांसद प्रदीप यादवले शुक्रबार संसदमा बोल्दै मन्त्री विश्वकर्माले पैसा खाएको आरोप लगाएका थिए। एन्फा अध्यक्ष शेर्पाले एक अन्तर्वार्तामा ‘मधेसमा राष्ट्रियताको भावना नहुने’ शैलीमा बोलेपछि निस्किएको विवादमा मन्त्री विश्वकर्मासमेत मुछिएका थिए।
‘मैले के सुनिरहेको छु भने माननीय खेलकुदमन्त्रीले एन्फासँग १७ करोड रुपैयाँ लिनुभएको छ। केही दिनअघि एन्फा अध्यक्षले मधेसीलाई राष्ट्रियता आउँदैन भन्नुभएको छ। उहाँले कसको ताकतमा हामीलाई राष्ट्रियता सिकाएको? पक्कै पनि खेलकुदमन्त्रीको ताकतमा भन्नुभएको होला’ सांसद यादवले भनेका थिए।
अहिले बिनाआधार आफ्नो छवी धमिल्याउने काम भएको भन्दै मन्त्री विश्वकर्माले जवाफ दिएका हुन्। उनले आफूले खेल क्षेत्रको विकासमा अभूतपूर्व काम गरेको उल्लेख गर्दै खेलसम्बद्ध सबैले आफूलाई माया गर्ने बताए।
के भने मन्त्री विश्वकर्माले?
बजेट न्युन भएका कारण हामीले खेलकुदका सबै विषयमा सम्बोधन गर्न सकेका छैनौँ। १९ करोड बजेटले कहाँ के गर्ने? हामीले नयाँ कुनै योजना समावेश गरेका छैनौँ। भइरहेका योजनामा काम गरिएको हो।
एन्फा अध्यक्षले जे भन्नुभयो भन्ने प्रसङ्ग छ त्यो मेरो जानकारीमा छैन। उहाँले कहाँ के अन्तर्वार्ता दिनुभयो कहाँ के भन्नुभयो मलाई थाहा छैन। मैले एन्फाबाट १७ करोड लिएको एक माननीय ज्यूले के भन्न खोज्नुभएको हो? उहाँले नै स्पष्ट गर्नुपर्यो। उहाँले जुन शब्दमा जे भन्नुभएको छ भनेको त्यही हो भने यो गम्भीर छ। उहाँको आशय अर्कै थियो भने त्यो पनि स्पष्ट पार्नुपर्यो।
निष्ठा र इमानका साथ आफ्नो जिम्मेवारी पूरा गर्न लागिरहने, कुनै चर्चा भन्दा पनि काममा केन्द्रित हुने, कसे राम्रो गर्ने केही गर्न सकिएन भने पनि निष्ठा र इमानलाई सति साल तुल्याउने मजस्तो व्यक्तिमाथिको आरोपले निकै दुःखी छु। वर्षौं लगाएर बनाएको निष्ठा इमान र छबीलाई बिना आधार धमिल्याउन पाइँदैन। त्यो विषय रेकर्डबाट हटाइयोस्।
बिना आधार कसैको छविलाई धमिल्याउन पाइँदैन। एन्फाले मात्रै होइन सबैले मलाई माया गर्छन्। मन्त्रालय सम्हाले यता एक दशक अघिदेखि समाधान हुन नसकेको काठमाडौंको मूलपानी अन्तराष्ट्रिय खेलमैदानको जग्गा समस्या समाधान गरेको छु। मैले जिम्मेवारी सम्हालेको तीन महिनामै समस्या समाधान गरी रंगशाला निर्माण कार्य अघि बढेको छ।
क्यानमाथि आइसिसीले लगाएको प्रतिबन्ध फुकुवा भएको छ। धेरै खेलसंघहरुमा देखिएका विवाद समाधान भएको छ। खेलकुदको राजनीतिकरण अन्त्य भएको छ। त्यसैको प्रतिफलले सागमा नेपालले ऐतिहासिक सफलता प्राप्त गर्यो। लामो समयदेखि विवादमा रहेको ओलम्पिकको विवाद समाधान भएको छ।
खेलाडीलाई गरिएको प्रोत्साहन र पुरस्कारले खेलाडीलाई उत्साह थपेको छ। खेल क्षेत्रमा निष्पक्षता, पारदर्शिता, योग्यता र प्रतिस्पर्धी क्षमताको कदर हुने वातावरण निर्माण भएको छ। खेलकुद विकासका लागि समायानुकल खेलकुद ऐन बनिसकेको छ।
खेल संघलाई व्यवसायिक गर्न थोरै भए पनि बजेटको व्यवस्था गरिएको छ। खेलाडीलाई दुर्घटना, स्वास्थ्य बीमाका लागि बजेट विनियोजन गरिएको छ। खेल संघहरु मजबुत र स्वायत्त भएका छन्। धेरै अन्तर्राष्ट्रिय खेलमा नेपालीहरुले पदक जितेका छन्। खेलकुदका लागि भौतिक निर्माण देशभर सन्तोषजनक रुपमा भइरहेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1732370421.png)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
![Nepal Live Samachar नेपाल लाइभ समाचार, जेठ २९ [भिडियाे]](https://nepallive.net/uploads/posts/500X300/samachar++-299-1718118150.jpg)
![Nepal Live Samachar नेपाल लाइभ समाचार, जेठ २७ [भिडियाे]](https://nepallive.net/uploads/posts/500X300/samachar++-1717941479.jpg)
