प्रतीकात्मक तस्बिर
काठमाडौं- अन्तर्राष्ट्रिय बौद्ध संस्था चु जी फाउन्डेसनले स्वास्थ्य तथा जनसंख्या मन्त्रालयलाई ३० वटा भेन्टिलेटर सहयोग गरेको छ। कोरोना भाइरस (कोभिड–१९) को संक्रमण भएका बिरामीहरुको उपचारको लागि सहयोग पुर्याउने उद्देश्य सहित चु जी फाउन्डेसनले हेल्थ इन्भायोरोमेन्ट एन्ड काइभेट एक्सन फाउन्डेसन ‘हेकाफ ३६०’मार्फत सरकारलाई ३० वटा जीवन रक्षक भेन्टिलेटर उपलब्ध गराएको हो।
यसबाहेक पिपिई, पञ्जा, गाउन, मास्क, इन्फ्रारेड थर्मोमिटर, सेफ्टी ग्लासलगायतका अत्यावश्यक स्वास्थ्य सामग्रीसमेत उपलब्ध गराएको हेकाफका अध्यक्ष महेश नकर्मीले बताए। कुल १ करोड ७० लाख रुपैयाँ बराबरको स्वास्थ्य सामग्री सहयोग गरेको उनको भनाइ छ।
स्वास्थ्य तथा जनसंख्या मन्त्री भानुभक्त ढकालले नेपालमा संक्रमण बढ्दै गएको अवस्थामा विरामीको उपचारलाई ध्यान दिदै भेन्टिलेटरसहितका स्वास्थ्य सामग्री उपलब्ध गराएकोमा खुशी व्यक्त गरे। उनले संक्रमण फैलिँदै जाने दर बढेकाले सरकारले अहिलेसम्म अवलम्बन गर्दै आएको नीतिमा परिवर्तन गरी अति संवेदनशील बिरामीलाई मात्र अस्पतालमा उपचार गरिने बताए।
सामान्य लक्षण समेत देखा नपरेका संक्रमितहरुलाई क्वारेन्टाइन अथवा आइसोलेसन सेन्टरमा उपचार गरिने मन्त्री ढकालले बताए। पछिल्लो समय देशभर २ हजार १ सयभन्दा बढीमा कोरोना संक्रमण फेला परेको छ। कोभिड–१९ संक्रमणका कारण गम्भिर अवस्थामा रहेका बिरामीलाई उपचार गर्न अत्याधुनिक भेन्टिलेटर सेवा सहितको उपचार कक्ष आवश्यक पर्छ। तर त्यसका लागि अहिलेसम्म आवश्यक तयारी भने छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786437116.jpg)
-1786513116.png)
