एजेन्सी- सलमान खानसँग फिल्म बीरबाट आफ्नो बलिउड करियर सुरु गरेकी अभिनेत्री जरीना खान अहिलेकी चिरपरिचित सेलिब्रेटी हुन्। उनको जीवनमा कुनै समय यस्तो पनि थियो कि उनले आफ्नो आर्थिक अवस्थाका कारण पढाइ पनि छोड्नु परेको थियो। जरीना डाक्टर बन्न चाहान्थिन्।
घरको अवस्था नहुदाँ उनले बिचमै पढाइ छोडेर जागिर खान थालिन्। जरीना २३ वर्षको उमेरमा बलिउड फिल्म उद्योगमा प्रवेश गरेकी थिइन्। उनी पहिलो फिल्ममा आउनुभन्दा पहिला कल सेन्टरमा काम गर्थिन्। घर परिवार चलाउन र परिवारका लागि उनले कल सेन्टरमा काम गरेकी थिइन्।
कल सेन्टरको रोजगारीका साथै उनी पार्ट टाइम मोडलिङ्ग पनि गर्ने गर्थिन्। कल सेन्टरबाट आउने पैसाले घर खर्च चल्ने गर्दथ्यो भने उनले सोखका लागि मोडलिङ गर्न थालेकी थिइन्। जरिना आफ्नो सफलताको श्रेष्य सलमानलाई दिन्छिन्।
‘म वीरमा सलमानको हिरोइन थिएँ, अहिले पनि मानिसहरू मलाइ यही रुपमा चिन्छन्’ जरीनाले भनिन्। उनले पहिलो फिल्म सलमानसँग गरिरहँदा आफूलाई विश्वास नलागेको बताइन्।
‘सलमानसँग फिल्म वीरमा काम गर्ने समयमा म हर समय उनलाई हेरिरहन्थे’ उनले भनिन्‚ ‘मलाई आफैंमा विश्वास भइरहेको थिएन कि म सलमानसँग काम गरिरहेको छु।’ बीरपछि उनले हाउसफुल- २‚ हेटस्टोरी, फिल्म १९२१ जस्ता नाम चलेको फिल्ममा काम गरिन्। तर उनको सफलतामा सबैभन्दा ठूलो हात सलमान खानको थियो। उनलाई सलमान खानसँग जोडेर हेर्नेदेखि उनको शरीरलाई लिएर चर्चा हुने गरेका छन्।
त्यस्तै उनलाई कटरिना कैफको अनुहार मिल्ने जुम्ल्याहा भनेर समेत धेरै चर्चा गरिँदै आएका छन्। सलमान खानसँग भर्खरमात्र प्रेम सम्बन्ध टुटेका कारण उनलाई फिल्म उद्योगमा भित्र्याइएको चर्चा पनि चलेको थियो। उनी सलमानको फिल्ममा देखिइन धेरैले कटरिना कैफ भएको भनी प्रतिक्रिया दिएका थिए। जरीनाले हिन्दी फिल्म बाहेक पञ्जावी र तमिल फिल्ममा पनि काम गरेकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1764146706.png)
