एजेन्सी–बेलायती प्रधानमन्त्री बोरिस जोनसनलाई सघन उपचार कक्षबाट बाहिर निकालिएको छ। तर उनी अस्पतालमै रहने डाउनिङ्ग स्ट्रीटले जनाएको छ।
कोरोना भाइरसको संक्रमण देखिएका जोन्सन गत आइतबारदेखि लण्डनस्थित सेन्ट थोमस अस्पतालमा उपचार गराइरहेका छन्।
प्रधानमन्त्री कार्यालयले जोन्सनलाई बिहीबार साँझ सघन उपचार कक्षबाट वार्डमा सारिएको र त्यहाँ उनलाई डाक्टरहरूले निगरानी गरिरहेको जनाएको छ।
कोरोना भाइरसको संक्रमण देखिएको १० दिनपछि गत आइतबार उनलाई अस्पताल पु¥याइएको थियो। त्यसको भोलिपल्ट सघन उपचार कक्षमा सारिएको थियो।
उपचारका क्रममा जोन्सनलाई अक्जिसन दिइएको भए पनि भेन्टिलेटरमा भने नराखिएको डाउनिङ्ग स्ट्रीटले यसअघि जनाएको थियो। उनको स्वास्थ्य स्थितिमा क्रमिक सुधार आएको र उत्कृष्ट सेवाका लागि जोन्सनले एनएचएसलाई धन्यवाद दिएको प्रवक्ताले बताए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।