काठमाडाैं- कोरोना भाइरसको बढ्दो संक्रमण नियन्त्रण बाहिर पुग्न थालेपछि युरोप, अमेरिका, एशियालगायत क्षेत्रका देशहरु लकडाउनतिर गइरहेका छन्। तर, कोरोना भाइरसको उद्गम देश चीन भने बन्द भएका क्षेत्र खोल्न लागेको छ।
बेलायत लकडाउनमा गइसकेकाे छ भने अमेरिकाले समेत केही क्षेत्रमा लकडाउन गराएको छ। अल्बेनियामा दिनक १६ घण्टाको कर्फ्यू छ। भारतका ३७ राज्य र नेपाल पुरै लकडाउनमा गइसकेकाे छ। तर, चीन भने कोरोना भाइरसको संक्रमणपछि बन्द भएकाे ग्रेट वालको आंशिक क्षेत्र पर्यटकका लागि खुल्ला गर्ने तयारीमा लागेको छ।
चीनका एक स्थानीय अधिकारीले विबो नामक माइक्रो ब्लगमा राखेको सूचनालाई उदृत गर्दै सिएनएनले जनाए अनुसार आंशिक क्षेत्र खुल्ला गरे पनि ग्रेट वालका अधिकांश क्षेत्र र म्युजियम भने तत्काल खुल्ने छैन।
ती स्थानीय अधिकारीका अनुसार ग्रेटवालमा जान चाहने पर्यटकले अनलाइनबाट टिकट बुक गर्नुपर्ने छ। उनीहरुले आफू स्वस्थ रहेको क्युआरकोड देखाउनुपर्ने छ। ग्रेटवालमा जाँदा माक्स अनिवार्य गर्ने र एक प्रदर्शकदेखि अर्को प्रदर्शकबीचको दूरी एक मिटर कायम राख्नुपर्ने नियम बनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
