एजेन्सी- कोरोना भाइरसको उद्गमस्थल मानिने चीनको वुहानमा कोरोना भाइरसका नयाँ संक्रमित देखिएका छैनन्। वित चार दिन यता कोरोना भाइरसबाट संक्रमित कुनै पनि नयाँ बिरामी वहानमा फेला नपरेको स्थानीय समाचार माध्यमहरूले उल्लेख गरेका छन्।
तर चीनका अन्य स्थानमा भने कोरोना भाइरसबाट संक्रमित भएका बिरामी फेला पर्ने दर रोकिएको छैन। शनिबार मात्र चीनमा ४६ जना नयाँ संक्रमित फेला परेको र ६ जनाको मृत्यु भएको जनाइएको छ।
चीनले कोरोना संक्रमणको महामारी अन्त्य भइसकेको घोषणा गरिसकेको छ। योसँग जीवनस्तर सामान्यतर्फ फर्कने क्रम सुरु भएको बताइएको छ।
योसँगै हवाईमार्गबाट सांघाई पुग्ने सबैको कोरोना भाइरस संक्रमणको जाँच हुने भएको छ।
आइतबारबाट लागू भएको सो व्यवस्थाअनुसार कोरोना भाइरस नदेखिएका देशबाट आएका यात्रुको समेत परीक्षण हुने संघाई स्वास्थ्य कमिसनले आइतबार घोषणा गरेको छ।
सोमबारबाट बेइजिङ आउने अन्तराष्ट्रिय हवाई सेवासमेत सुरु हुनेछ। बेइजिङ जान यात्रुले कोरोना भाइरस परीक्षणका सबै चरण पूरा गर्नुपर्ने व्यवस्था गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
