काठमाडौं- नेपाल टेलिभिजनका लागि कि इन्टरटेन्टमेन्ट एन्ड रिसर्च प्रालिले उत्पादन गर्न लागेको गायन रियालिटी शो 'नेपाल स्टार'लाई वाइवाइले प्रायोजन गर्ने भएको छ।
यस सम्बन्धी सम्झौतापत्रमा कि इन्टरटेन्मेन्टका प्रमुख रविन्द्रकुमार रिजाल र वाइवाइको तर्फबाट चौधरी ग्रुपका प्रबन्धक निर्वाण चौधरीबीच हस्ताक्षर भएको छ। सम्झौतापछि चौधरीले स्वदेशमा नै उत्पादन हुने रियालिटी शोको प्रायोजन गर्न पाउँदा खुशी लागेको बताए।
रियालिटी शोको निर्णायकमा गायक रामकृष्ण ढकाल, संगितकार आलोक श्री, गायिका अन्जु पन्त रहेका छन्।
यस रियालिटी शोमा ५० लाख पुरस्कार राखिएको नेपाल टेलिभिजनका कार्यकारी अध्यक्ष महेन्द्र बिष्टले जनाकारी दिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
