काठमाडौं- विन्ध्यवासीनी हाइड्रोपावर कम्पनीले २५ करोड रुपैयाँको प्राथमिक सेयर निष्काषन गर्ने भएको छ।
कम्पनीले प्राथमिक शेयर निष्काशन गर्न मिल्ने रेटिङ 'केयर एनपि आइपिओ ग्रेड चार' प्राप्त गरेको छ।
कम्पनीले हाल तीन वटा आयोजनामा लगानी गरेको छ। कम्पनीले लगानी गरेको 'रुदी ए' आयोजना ९ महिना अगाडिदेखि नै सञ्चालनमा आएको थियो।
यसले व्यावसायिक उत्पादन सुरु गरिसकेको छ।
बनिसकेको आयोजनालाई देखाएर अन्य आयोजनामा लगानी गर्न प्राथमिक शेयर निष्काशन गर्ने तयारी गरेको हो।
कम्पनीले तीन आयोजनामा लगानी गर्न लागेको हो।
कम्पनीले ४८ दशमलव ८ मेगावाट क्षमताको निर्माणाधिन पिपुल्स इनर्जीमा तीन करोड १० लाख लगानी गर्नेछ।
त्यस्तै ९ दशमलव ९ मेगावाट क्षमताको युनाइटेड मोदी हाइड्रोपावरमा दुई करोड २० लाख रुपैयाँ लगानी गर्नेछ।
त्यस्तै, १० लाख रुपैयाँ हाइड्रो इलेक्ट्रिसिटी एण्ड डेभलपमेन्ट कम्पनीमा लगानी गर्नेछ।
त्यस्तै आइपिओ निष्काशनबाट प्राप्त हुने पैसा ४८ दशमलव ४ मेगावाट क्षमताको खिम्ती दुईमा लगानी गर्ने जनाएको छ।
कम्पनी आफैंले निर्माण गरेको 'रुदी ए'को लागत एक अर्ब ५५ करोड रुपैयाँ छ।
उक्त लागतको ६८ प्रतिशत कर्जा र ३३ प्रतिशत शेयर पूँजीबाट जुटाएको हो।
नयाँ आयोजनामा लगानी गर्ने भए सँगै संस्थापक शेयर ७५ प्रतिशत र सर्वसाधारण शेयर २५ प्रतिशत रहनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
