काठमाडौं- नेपाल पुनर्बिमा कम्पनी र एनआरएन इन्फ्रास्ट्रक्चर डेभलपमेन्ट कम्पनीले प्राथमिक शेयर निष्कासन गर्ने अनुमति पाएका छन्। नेपाल धितोपत्र बोर्डले नेपाल पुनर्बिमालाई एक अर्ब ६० करोड रुपैयाँ र एनआरएनलाई ३३ करोड ९८ रुपैयाँको सर्वसाधारण शेयर निष्काशन गर्ने अनुमति प्रदान गरेको हो।
नेपाल पुनर्बिमा कम्पनीको हालको चुक्ता पुँजी ८ अर्ब ४० करोड रुपैयाँ छ। प्राथमिक शेयर निष्कासनपछि चुक्ता पुँजी १० अर्ब रुपैयाँ पुग्नेछ। प्राथमिक शेयर निष्काशन तथा बिक्री प्रवन्धक आरबिबी मर्चेन्ट रहेको छ।
कम्पनीले गत आर्थिक वर्षको वार्षिक साधारणसभाबाट प्राथमिक शेयर निष्कासन गर्ने प्रस्ताव पारित गरेको थियो। अन्तर्राष्ट्रिय मान्यता पाउन कम्पनीको न्यूनतम चुक्ता पुँजी १० अर्ब रुपैयाँ हुनुपर्ने भएपछि गत वर्ष ५ अर्ब रुपैयाँको पुँजीलाई ८ अर्ब ४० करोड रुपैयाँ पु¥याएको थियो। सर्वसाधारणको १६ प्रतिशत हिस्सा पुगेसँगै अन्तर्राष्ट्रिय मान्यता पाउन योग्य हुनेछ।
प्राथमिक शेयर निष्काशन पछि कम्पनीको शेयर संरचनामा नेपाल सरकारको हिस्सा ४३।५५ प्रतिशतबाट ३६।५८ प्रतिशतमा झर्नेछ भने सर्वसाधारणको १६ प्रतिशत हिस्सा कायम हुनेछ।
एनआरएनले प्राथमिक शेयर निष्कासनका लागि सानिमा क्यापिटललाई धितोपत्र निष्काशन तथा बिक्री प्रवन्धक नियुक्त गरेको छ। कम्पनीको हालको चुक्ता पुँजी ७३ करोड ५६ लाख रुपैयाँ रहेको छ। प्राथमिक शेयर निष्काशनसँगै कम्पनीको चुक्ता पुँजी एक अर्ब ७ करोड रुपैयाँ पुग्ने छ।
गैरआवासीय नेपालीहरुले जलविद्युत क्षेत्रमा लगानी गर्न स्थापना गरेको ‘एनआरएन इन्फ्रास्ट्रक्चर एण्ड डेभलपमेन्ट’ले १० वटा आयोजनामा लगानी गरेको छ। कम्पनीले संस्थापक तथा सर्वसाधारण तर्फको शेयरमा लगानी गरिरहेको छ।
कम्पनीका कार्यकारी अध्यक्षमा जीवनाथ लामिछाने छन्। कम्पनीमा उनको लगानी ७५ लाख रुपैयाँ रहेको छ। कम्पनीले २७ मेगावाट क्षमताको दोर्दी खोला जलविद्युत आयोजना निर्माणका लागि ३८ करोड रुपैयाँ लगानी गरेको छ। उक्त आयोजना हिमालयन पावर पार्टनर कम्पनीले सञ्चालन गरिरहेको छ।
त्यस्तै ५४ मेगावाट क्षमताको सानिमा मिडिल तमोर हाइड्रोपावरको दुई लाख ५० हजार कित्ता शेयर खरिद गरेको छ। जलविद्युत कम्पनीको शेयरमा लगानी गर्ने गरी स्थापना भएको उक्त कम्पनीले दोस्रो बजारबाट पनि शेयर खरिद बिक्री गर्ने गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
