काठमाडौं- बजारमा सर्जिकल माक्सको कृतिम अभाव देखिएको छ। औषधि पसल, डिपार्टमेन्टल स्टोर, खुद्रा पसलमा केहि समयअघि सजिलै पाइने सर्जिकल माक्सको कृतिम अभाव सिर्जना गरेर मूल्य दोब्बर बनाइएको छ।
बजार अनुगमन र उपभोक्ता अधिकार संरक्षणको जिम्मा पाएको वाणिज्य विभागले सर्जिकल माक्समा कृतिम अभाव सिर्जना गरी कालोबजारी हुन थालेको भन्दै गम्भीर छानबिन थालेको छ। विभागका महानिर्देशक नेत्रप्रसाद सुवेदीका अनुसार बजारमा माक्सको अभाव देखिएको भन्दै विभागमा गुनासो आउने गरेका छन्।
त्यस्ता गुनासा तथा उजुरीका आधारमा विभागले केहि दिन उपत्यकाका विभिन्न औषधि पसलमा अनुगमनसमेत गरेको थियो। अनुगमनका क्रममा केहि औषधि पसलले माक्स लुकाएको तथा केहिले बढी मूल्यमा बेच्ने गरेको पाइएको छ। विभागले ती पसललाई ५ हजारदेखि २० हजार रुपैयाँसम्म जरिवानासमेत गरेका छ।
महानिर्देशक सुवेदीले सर्जिकल माक्स अभावको विषयलाई नै केन्द्रमा राखेर बजार अनुगमन गरिने बताए। ‘अहिले धेरै व्यवसायीले ५ रुपैयाँको माक्सलाई २०/२५ रुपैयाँसम्म बेच्ने गरेको र केहि व्यवसायीहरुले मूल्य वृद्धि गराउनकै लागि लुकाएर राखेको भन्ने सूचना आएको छ, हामी गहन अनुगमन गर्छौं,’ उनले भने।
छिमेकी मुलुक चीनमा कोरोना भाइरसको संक्रमण र नेपालमा पनि केहि व्यक्तिमा त्यसको आशंका गरिएपछि बजारमा सर्जिकल माक्सको माग बढीरहेको छ। माग बढीरहेको मौकामा व्यवसायीहरुले मूल्य बढाएर कालोबजारी गर्न थालेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
