सर्लाही– सर्लाहीमा गाँजा तस्करी गर्ने दुई वटा समूहलाई प्रहरीे पक्राउ गरेको छ।
इलाका प्रहरी कार्यालय हरिपुरबाट खटिएको प्रहरी टोलीले मोटरसायकलमा गाँजा तस्करी गर्ने ३ जनालाई पक्रा गरेको हो।
सर्लाही कौडेनाका पचु सहनीलाई १३ केजी एक सय ६० ग्राम गाँजासहित प्रहरीले पक्राउ गरेको हो। भारतीय नम्बर प्लेटको मोटरसाइकलमा राखेर उनले गाँजा तस्करी गर्दै गर्दा प्रहरीले पक्राउ गरेको हो।
उनले प्रति केजी ५ सय रुपैयाँमा गाँजा किन्ने र ७ हजारसम्म बिक्रि गर्ने खुलेको छ।
त्यस्तै मदन राउत र राकेश राउतलाई पनि इप्रका हरिपुरका इन्सपेक्टर अनिल ठकुरी कमाण्डको प्रहरी टोलीले पक्राउ गरेको छ। उनीहरुलाई १२ किलो गाँजासहित प्रहरीले पक्राउ गरेको हो।
गाँजा तस्करीमा पछिल्लो समयमा चोरीका भारतीय मोटरसाइकलहरु प्रयोग हुन थालेको प्रहरीले जनाएको छ। तस्करीविरुद्ध इप्रका हरिपुरले सक्रियता बढाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791645793.png)
-1786602170.png)
