सुरुंगा– झापाको गौरीगन्ज गाउँपालिका ३ दन्तकालीका ३० वर्षीय पासाङ शेर्पाले आफनै श्रीमतीलाई कुटपिट गरी हत्या गरेका छन्।
पतिको कुटाइबाट घाइते भएकी २८ वर्षीया निमथोकी शेर्पाको उपचारकै क्रममा मृत्यु भएको हो। घरायसी विवाद हुँदा पासाङले आवेशमा आएर काठको मुंग्राले श्रीमतीको टाउकोमा प्रहार गरेका थिए। गम्भिर घाइते शेर्पालाई उपचारका लागि लाइफलाइन अस्पताल दमकमा भर्ना गरिएको थियो। सोही क्रममा आइतबार राति ९ बजे मृत्यु भएको इलाका प्रहरी कार्यालय गौरीगन्जले जनाएको छ।
हत्या गरेको आरोपमा पासाङलाई प्रहरीले नियन्त्रणमा लिई थप अनुसन्धान गरिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
