विराटनगर– लागुऔषध ओसार–पसारमा संलग्न धनुषा, सिन्धुपाल्चोक र मोरङ्गका ३ जनालाई प्रहरीले विराटनगरबाट पक्राउ गरेको छ।
विराटनगर महानगरपालिका–१९ स्थित घिनाघाटबाट लागुऔषधसहित उनीहरुलाई पक्राउ गरिएको हो।
धनुषाको ढल्केवर–४ का ३४ वर्षीय सुवास थापा, सिन्धुपाल्चोक, सिमपानी यमुना घर भइ हाल काठमाडौंको स्वयम्भु बस्ने ३६ वर्षीय सुनम लामा र मोरङको बेलबारी नगरपालिका–७ का २६ वर्षीय गणेश भनिने गोपी भेटवाललाई पक्राउ गरिएको प्रहरीले जनाएको छ।
उनीहरुको साथबाट ना४०प ७१०९ नम्बरको मोटरसाइकल र नाईट्रोजन ट्याबलेट, फेनारगनसहितका लागुऔषध बरामद गरिएको अस्थायी प्रहरी चौकी घिनाघाटले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
