राजविराज– अध्यक्ष पक्ष तथा उपाध्यक्ष र प्रमुख प्रशाशकिय अधिकृत पक्षबीचको लामो विवादका कारण सप्तरीको तिलाठी कोइलाडी गाउँपालिका मातहतका २ सयभन्दा बढि कर्मचारी मारमा परेका छन्। विवाद साम्य हुँदै गएपनि खाता संचालन लगायतका समस्या समाधान नभएका कारण ४ महिनाभन्दा अघिदेखि नै कर्मचारीहरुको तलब रोकिएको छ।
यसैगरी, ज्येष्ठ नागरिक, अपांग, एकल महिलालगायत करिब २ हजारभन्दा बढि व्यक्तिले सामाजिक सुरक्षा भत्तासमेत पाएका छैनन्। गत भदौ ८ गते राजगढ गाउँपालिकाबाट सरुवा भई तिलाठि कोईलाडि गाउँपालिकामा आएका प्रमुख प्रशासकिय अधिकृत राजिव कुमार झा र अध्यक्ष सतिस कुमार सिंहका बीचमा सुरुदेखि नै विवाद भएको थियो। यहि विवादले अध्यक्ष तथा उपाध्यक्ष सुचिता कुमारी यादवका बीचमा समेत फाटो पर्याे।
विवादका कारण गाउँपालिकाको खाता संचालन नभएपछि दशैं अगाडिदेखि नै कर्मचारीले तलब पाएका छैनन्। अध्यक्ष सिंहले विकास योजनामा अनियमितता गरेको र स्थानीयवासीसमेत रहेका नयाँ प्रमुख प्रशासकिय अधिकृतलाई कार्यालयको काममा लगाउँदा अनियमितताको पोल खुल्ने भएका कारण उनलाई भूमिका विहिन वनाएको उपाध्यक्ष पक्षले आरोप लगाएका छ। प्रमुख प्रशासकिय अधिकृत झाले जनप्रतिनिधिको अस्तित्व नस्वीकारेको र आफू नै सर्वोपरी भएको बताएपछि विवाद उत्पन्न भएको अध्यक्ष पक्षको आरोप छ।
अध्यक्षको विरोधकै बीचमा उपाध्यक्षले झालाई कार्यालयमा हाजिर गराएपनि उनको भूमिका कमजोर सावित भयो। यसै कारण दशैंको मुखमा पनि कर्मचारीले तलव नपाएको वडा नं. १ का अध्यक्ष दिनेश्वर मिश्र बताउँछन्। विवादका कारण गाउँपालिका मातहत रहेका स्वास्थ्यतर्फका ५६ र विद्यालयतर्फ १ सय २ समेत गरी २ सयभन्दा बढि शिक्षक कर्मचारीले तलब नपाएको गाउँपालिकाकै कर्मचारीहरु बताउँछन्।
हाल प्रमुख प्रशासकिय अधिकृत झाको जिल्ला समन्वय समिति सिरहामा सरुवा भएपछि राजु कुमार झालाई निमित्त प्रमुख प्रशासकिय अधिकृतको जिम्मेवारी दिइएको छ। तर, उनको नाममा खाता संचालनको प्रकृया पूरा भइनसकेका कारण तलब भत्ता र अन्य आर्थिक कारोवार रोकिएको गाउँपालिका विपद जोखिम कार्यक्रम अधिकृत राजेश झाले जानकारी दिए। खाता संचालनको प्रक्रिया पूरा भएपछि कर्मचारीको तलब तथा सामाजिक सुरक्षा भत्ता वितरण हुने उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752222253.png)
-1752221006.png)
-1752221477.png)
-1752043710.jpg)
-1749826086.png)
