लन्डन- बेलायतको बेरोजगार दर ४५ वर्षयताकै न्यून अवस्थामा पुगेको यहाँको सरकारी तथ्याङ्कले देखाएको छ। युरोपेली संघ (इयू)बाट बेलायतको बहिर्गमन प्रक्रिया अनिश्चित बनेपछि बेलायती अर्थतन्त्र अझ गहिरो सङ्कटतर्फ घचेटिने अवस्था आएको तथ्याङ्कले देखाएको हो।
बेलायती प्रधानमन्त्री बोरिस जोनसनले इयुसँग नयाँ सम्झौता गरेर वा सम्झौताविहीन अवस्थामा भए पनि अक्टोबर ३१ मा इयुबाट बेलायतको बहिर्गमन भएरै छाड्ने धारणापछि आएको आर्थिक अध्ययन प्रतिवेदनमा बेलायतको बेरोजगार दर सन् १९७४ पछिकै कमजोर अवस्थामा पुगेको बताइएको छ। बेलायतको बेरोजगार दर गत जुन महिनामा ३.९ रहेको मा जुलाईमा आइपुग्दा ३.८ भएको छ।
बेलायतको वार्षिक ज्यालादर भने सन् २००८ पछि पहिलोपटक बढेर ४ प्रतिशत पुगेको छ। सतहमा हेर्दा तथ्याङ्क सकारात्मक देखिन्छ तर बेलायतको निम्न बेरोजगार दरले यहाँको उत्पादकत्वलाई प्रोत्साहन गरेको पाइन्छ। धेरै कामदारहरू आंशिकरूपमा जागिर खान्छन् अथवा अनिश्चित करारमा काम गर्ने हुँदा यसले कामका लागि तोकिएको न्यूनतम समयको प्रत्याभूत गर्न नसक्ने विश्लेषकहरू बताउँछन्।
इयूबाट बाहिरिने भन्ने बेलायती राजनीतिक निर्णयका कारण रोजगारका अवसर प्रसंशनीयरूपमा बढेको देख्न सकिन्छ तर अर्थतन्त्रको वृद्धि भने निस्प्रभावी बनेको देख्न सकिन्छ। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
