शनिबारबाट लागू हुने गरी दूधको नयाँ मूल्य तोकियो

नेपाल लाइभ | २०७६ भदौ १९ बिहीबार | Thursday, September 05, 2019 १६:५२:०० मा प्रकाशित

काठमाडौं- दुग्ध विकास संस्थान (डिडिसीले) शनिबारबाट लागू हुनेगरी दूधको मूल्य बढाएको छ।

डिडिसीका सूचना अधिकारी सुवास भट्टराईका अनुसार डिडिसीले बेच्दै आएको हरेक रङको प्याकेटमा ३ रुपैयाँ बढाइएको छ। आधा लिटरका उक्त प्याकेटमा प्रतिप्याकेट ३ रुपैयाँ बढाइएपछि एक लिटरमा ६ रुपैयाँ बढेको छ।

डिडिसीले हाल प्रतिलिटर ७० रुपैयाँमा दूध बेचिरहेको छ भने शनिबारबाट मूल्य बढेर प्रतिलिटर ७६ रुपैयाँ कायम हुनेछ।