कर तिर्दिनँ भन्दै चिनियाँ नागरिकले विमानस्थल भन्सारमा फुटाए आफैले ल्याएका ४ वटा ल्यापटप

बिजनेस लाइभ

नेपाल लाइभ मंगलबार, साउन २८, २०७६ १८:३०

काठमाडौं- त्रिभुवन अन्तर्राष्ट्रिय विमानस्थल हुँदै नेपाल प्रवेश गरेका चिनियाँ नागरिक बाई चाङले आफ्नो साथमा ५ वटा ल्यापटप ल्याए।

झिटीगुन्टा सम्बन्धी आदेशअनुसार चाङले आफ्नो साथमा रहेका ५ मध्ये ४ वटा ल्यापटपको कर तिर्नुपर्ने थियो भने एउटा ल्यापटप कर नतिरी नेपाल ल्याउन सक्थे।

विमानस्थल भन्सार कार्यालयले चाङलाई ४ वटा ल्यापटपको भन्सार तिर्न भन्यो तर उनले मानेनन्।

भन्सार तिर्नुको साटो उनले विवाद बढाउन थालेपछि भन्सार प्रशासनले उनलाई नियन्त्रणमा लियो।

विमानस्थल भन्सारले चाङले बोकेका ४ वटा ल्यापटपको १ लाख २० हजार रुपैयाँ मूल्यांकन गरी ४८ हजार ५ सय ६५ रुपैयाँ कर निर्धारण गर्‍यो।

चाङले भन्सार तिर्न अस्वीकार गरे र आफूसँग ल्याएका ४ वटा ल्यापटप भुइँमा खसालेर फुटाइदिए।

'हामीले उनलाई भन्सार तिर्न आग्रह गर्‍यौं तर उनले कर तिर्न मानेनन् र ल्यापटप फुटाइदिए,' विमानस्थल भन्सार कार्यालय स्रोतले भन्यो, 'उनले कर तिर्न नमानेपछि ६ घन्टा डिटेन्सनमा राखिएको थियो।'

अन्त्यमा चाङले सरकारी मूल्यांकन अनुसार भन्सार रकम तिरे र फुटाएका ल्यापटप साथमा बोकेर हिँडेका थिए।

व्यक्तिगत प्रयोजनका लागि एउटा मात्रै ल्यापटप ल्याउन पाउने कानुनी व्यवस्थाविपरीत उनले ५ वटा ल्यापटप ल्याएका थिए।

व्यावसायिक प्रयोजनमा ल्याउँदा १३ प्रतिशत भन्सार र १३ प्रतिशत मूल्य अभिवृद्धि कर लाग्नेमा व्यक्तिगत प्रयोजनकै लागि ल्याइएको सामानमा ४० प्रतिशत भन्सार लाग्छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बीआरआई फ्रेमवर्कभित्र १० परियोजना : जिलोङ–केरुङ–काठमाडौं सीमापार रेलमार्ग पनि समेटियो

श्रमिक महिलाहरुको राष्ट्रिय सम्मेलन: सामाजिक र कानुनी सुरक्षामा जोड दिँदै गरियो सम्पन्न

सुपर काबेली ‘ए’ जलविद्युत् आयोजनाको उत्पादन सुरु