काठमाडौं– मानव अंग प्रत्यारोपण केन्द्र, भक्तपुरमा कार्यरत नर्सलाई ‘डाक्टर बनाएर’ बिरामीको ल्याब परीक्षणका लागि पठाउने गरेको पाइएको छ।
केन्द्रमा कार्यरत नर्सलाई ललितपुरस्थित निदान अस्पतालको ल्याब रिपोर्टमा ‘डाक्टर’का रुपमा उल्लेख गरिएको छ। केन्द्रका निर्देशक डा पुकारचन्द्र श्रेष्ठका आफन्तले निदान अस्पताल सञ्चालन गर्दै आएका छन्।
केन्द्रमै मिर्गौला प्रत्यारोपण गराएका एक बिरामीको ल्याब रिपोर्टमा ‘डाक्टर’ सनिशा कार्कीको ओपिडीबाट बिरामीलाई निदानमा ल्याब जाँच गराउन लगाइएको छ। तर, कार्की डाक्टर नभएर केन्द्रमा मिर्गौला प्रत्यारोपण कोअर्डिनेटरका रुपमा कार्यरत नर्स हुन्।
हेर्नुहोस् रिपोर्ट-
कार्कीलाई स्वास्थ्य खबरले डाक्टर भए/नभएको यकिन गर्न फोन गर्दा उनले आफू नर्स भएको बताउँदै भनिन्, ‘म मानव अंग प्रत्यारोपण केन्द्रमा प्रत्यारोपण कोअर्डिनेटरका रुपमा काम गर्छु।’
निदान अस्पतालमा हामीले फोन गरी सनिशा कार्कीको बारेमा बुझ्दा त्यहाँ कार्यरत एक रिसेप्सनिस्टले उनी मानव अंग प्रत्यारोपण केन्द्रमा कार्यरत डाक्टर नै भएको बताइन्।
उनले भनिन्, ‘उहाँ केन्द्रको काउन्सिलिङ डाक्टर हो। यहाँ त कहिलेकाहीँ मात्रै आउनुहुन्छ। उतै बुझ्नुहोस्।’
हामीलाई प्राप्त निदानको ओपिडी कार्डमा केन्द्रमै कार्यरत अर्की नर्स सुजाता कार्कीलाई पनि डाक्टर बनाइएको छ।
सनिशा कार्कीले रिफर गरे अनुसार निदानको ल्याबले एक बिरामीको सेरम क्रिटियानन, सेरम सोडियम, सेरम पोटासियम, एचआइभी, एचबिएसएजी, एन्टिएचसिभी, सिएमभी आइजिएम र स्टुल एनालाइसिस लगायतका जाँच गरेको छ।
मानव अंग र निदान अस्पताल दुवै ठाउँमा बुझ्दा सनिशा कार्की र सुजाता कार्की नाम गरेका डाक्टर कार्यरत नरहेको जानकारी पाइयो।
नर्सले डाक्टर लेखेकोबारे बुझ्न जाँदा धम्की
नर्स भएर पनि ‘डाक्टर’ लेख्नु र बिरामीलाई ल्याब जाँचका लागि रिफर गर्नुको कारणबारे बुझ्न बिहीबार स्वास्थ्य खबरकर्मी भक्तपुरस्थित केन्द्र पुगेका थियौं। अस्पतालमा सनिशा कार्कीको कार्यकक्षबारे सोधपुछ गरेको केही समयमै अपरिचित व्यक्तिले फोन गरी धम्क्याए।
उनले धम्कीको भाषामा भने, ‘सनिशा सिस्टरलाई डाक्टर हो कि होइन भनेर निर्क्यौल गर्ने तपाईं को हो? तपाईं उहाँसँग एक्लै कुरा गर्न पाउनुहुन्न! म पनि आउँछु, त्यसपछि सँगै कुरा गरौंला।’
फोनमा कुरा गर्ने ती पुरुषलाई हामीले अस्पताल प्रशासनसँग पहिले कुरा गरेर मात्र नर्स कार्कीसँग कुरा गर्ने बतायौं।
त्यसपछि हामी नर्स कार्कीको कार्यकक्ष खोज्दै प्रत्यारोपण केन्द्रभित्र छिर्न लाग्दा केही अपरिचित व्यक्तिले गेट अगाडि नै केरकार गर्न थाले। हामीले स्थानीय प्रहरीलाई सुरक्षाका लागि खबर गर्यौं। प्रहरीको एक टोली सुरक्षाका लागि आएपछि हामीले नर्सको कार्यकक्ष खोज्दै गयौं। तर, त्यतिबेला कार्की कार्यकक्षबाट निस्किसकेकी थिइन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1744988458.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
