काठमाडौं- काठमाडौं महानगरपालिले महानगरभित्र रहेका विज्ञापन, बोर्ड सामाग्री तथा अन्य प्रचार सामाग्री ७ दिनभित्र हटाउन निर्देशन दिएको छ।
महानगर क्षेत्रभित्र रहेका सबै घर, कम्पाउण्ड, छल, बिजुलीका पोल, सडकमा राखिएका डिभाइडर आदिमा राखिएका पर्चा, पम्प्लेट, भित्तेलेखन, अनधिकृत भित्तेलेखन बोर्ड, होर्डिङ बोर्ड आदिजस्ता विज्ञापन सामाग्री हटाउन भनेको हो।
महानगरको सौन्दर्यता कुरुप बनाएको र स्वस्थ र स्वच्छ वातावरणमा हिडडुल गर्न असर पुगेको भन्दै महानगरपालिकाले यस्तो निर्देशन दिएको जनाएको छ। महानगरपालिकाभित्रको विज्ञापन सामाग्री व्यवस्थित गर्ने सम्बन्धमा सर्वोच्च अदालतको विसं २०७२ भदौ १६ गतेको फैसलाअनुसार काठमाडौं महानगरपालिकाको गत कात्तिक १७ गतेको निर्णय, महानगरपालिकाले विज्ञापन सामाग्री व्यवस्थित गर्ने सम्बन्धमा नियमन गर्ने निर्देशिका २०६४ र विज्ञापन नीति २०७०को कार्यान्वयनका लागि भन्दै महानगरपालिकाले यस्तो निर्देशन दिएको हो।
यस्ता प्रचार सामाग्रीसँग सम्बद्ध व्यक्ति, संस्था र निकायलाई ७ दिनभित्र आ-आफ्ना बोर्ड बनोट, पर्चा, पम्प्लेट, भित्तेलेखन आदि सबै प्रकारका प्रचार सामाग्री आफै हटाउन भनिएको छ।
विज्ञापन हटाउन अटेरी गरेमा सम्बन्धित पक्षबाट नै सो बोर्ड/बनोट हटाउन लाग्ने खर्चसमेत असुल उपर गरिने महानगपालिकाले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
