काठमाडौं- नेपाल स्टक एक्सचेन्ज (नेप्से) परिसूचक १ दशमलव ४४ अंकले घटेर १ हजार १ सय ३८ दशमलव शून्य २ अंक कायम भएको छ।
बुधबार परिसूचक घटेपनि कारोबार रकम भने औसत देखिएको छ।
कुल १ सय ६० कम्पनीको ७ लाख ५० हजार कित्ता सेयर ३ हजार ९ सय ८६ पटक किनबेच हुँदा २० करोड ६२ लाख ५३ हजार ८ सय रुपैयाँ बराबरको कारोबार भएको छ।
बुधबार व्यापार समूह, लघुवित्त समूह, जीवन बिमा समूह र म्युचुअफ फन्ड समूहको उपसूचक क्रमशः १७ दशमलव १७, ४ दशमलव ४७, २१ दशमलव ३८ र शुन्य दशलमव ०२ अंकले बढेको छ।
सबैभन्दा बढी उत्पादन समूहको उपसूचक ७ दशलमव ७६ अंकले घटेको छ।
कारोबार रकमका आधारमा प्रभु बैंक लिमिटेडको ४ करोड ३६ लाख ७५ हजार ९ सय रुपैयाँ बराबरको कारोबार भएको छ।
सबैभन्दा बढी कमाउनेमा साल्ट ट्रेडिङ कर्पोरेसनका लगानीकर्ताले प्रतिकित्ता ९ दशलमव ८८ प्रतिशतका दरले कमाएका छन भने सबैभन्दा धेरै गुमाउनेमा महालक्ष्मी विकास बैंक लिमिटेडका लगानीकर्ताले प्रतिकित्ता ४ दशमलव २८ प्रतिशतका दरले गुमाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
