काठमाडौं– जिल्ला प्रशासन कार्यालय काठमाडौंले सञ्जीव थापाको नेतृत्वमा रहेको कार्यसमितिलाई भंग गरी नेपाल रेडक्रसमा नयाँ तदर्थ समिति गठन गरेको छ।
जिल्ला प्रशासन कार्यालय काठमाडौंले सोमबार पत्र पठाई नयाँ तदर्थ समिति गठन गरेको जानकारी गराएको हो।
थापा नेतृत्वको कार्यसमितिले जेठ १ देखि वैधानिकता गुमाएको थियो। सो कार्यसमितिलाई बर्खास्त गर्दै सरकारले १७ सदस्यीय नयाँ तदर्थ समिति गठन गरेको हो।
नयाँ कार्यससमितिको अध्यक्षमा डा विश्वकेशर मास्के चयन भएका छन्। मास्के पूर्व अध्यक्ष र महामन्त्री समेत हुन्।
उपाध्यक्षमा कृष्ण गौतम (बर्दिया), महामन्त्री कमल प्रसाद निरौला (झापा), कोषाध्यक्ष सीताराम कोइराला ( धार्दिङ) चयन गरिएको छ।
सदस्यहरुमा दीपेन्द्र ढकाल, वीरबहादुर बस्नेत, लोकराज ढकाल, अशोक श्रेष्ठ, श्याम पोखरेल, दीपक मिश्र, गोवर्धन सम्झना, महेश्वरी राई छन्। थप सदस्यहरुमा खेमराज केसी, श्रीकृष्ण दाहाल, अरुण खनाल, तिर्थराज घिमिरे, जीवन राना छन्।
नयाँ कार्यसमितिलाई आठ बुँदे कार्यदेश दिइएको छ।
मास्के नेतृत्वको नयाँ कार्यसमितिले एक वर्षभित्र महाधिवेशन गरिसक्नुपर्ने छ।
थापा नेतृत्वको कार्य समितिले अनियमितता गरेको भन्दै अख्तियार, गृह, परराष्ट्र तथा जिल्ला प्रशासन कार्यालय कार्यालयमा उजुरी परेको थियो। थापा नेतृत्वको कार्यसमितिले बैखाख २३ देखि २५ सम्म धरानमा गर्न लागेको महाधिवेशन प्रशासनले रोकिदिएको थियो।
सम्बन्धित
नेपाल रेडक्रसमा बेथितिको चाङ, विवाद बढेपछि साधारणसभा अनिश्चित
नेपाल रेडक्रसमा बेथिति-२ : यसरी अवैधानिक बन्यो रेडक्रस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
