काठमाडौँ – गीत संगीतको क्षेत्रमा एक उदयमान ताराको रुपमा उदाई रहेका कुशल प्रशासक तथा गायक अशोक बिष्टको ‘फर्कि आउन साथीसंगी, हाम्रोमाटो रोईसक्यो’ बोलको गित सार्वजनिक भएको छ । राष्ट्रिय भावनाले ओतप्रोत भएको गीत आज (आईतबार) ओएसआर मुभिजको अफिसियल च्यानलबाट सार्वजनिक गरिएको हो । लामो समयदेखि बैदेशिक रोजगारीमा जान बाध्य भएका तमाम नेपाली यु्वा वर्गलाई लक्षित गरेर बनाइएको गितमा अब बिदेशमा श्रम गर्न पुग्यो, बिदेशको श्रमले हाम्रो नेपाल बाझो भइसक्यो, अब आफ्नै स्वदेशमा फर्कि आउ र यहाँ केही गर भन्ने सन्देश झल्कीएको छ ।
आफ्नो दर्शक माझ नयाँ वर्ष २०८२ सालको उपहार स्वरुप गायक बिष्टले बजारमा ल्याएको गीतका शब्दकार गायक स्वयमः हुन भने यस गीतलाई संगीतकार सरोज प्याकुुरेलले दिएका छन् । प्रदिप श्रेष्ठद्धारा एरेन्ज गरिएको यस गीतको रेकर्डिङको कार्य भ्वाईस एकाडेमीले गरेको छ । हिमाल, तराई, मधेश र पहाड देशको तीनै भुुभागलाई समेटेर यस गीतको छाँयाङ्कन रामकुमार प्याकुुरेल गरेका हुन् ।
चर्चित संगीतकार सरोज प्याकुुरेलले निर्देशन समेत गरेको यस गीतमा कमला आचार्य, बालकलाकार रिदम प्याकुरेल, आर्दश बिष्ट, लक्ष्मी प्रसाद बुुढाथोकी, कल्पना बुुढाथोकी, नारायण केसी, ढकाल परिवार, देव नारायण साह, रन्जुु साह, सबिता साह, रोशनी साह, राधिका साह, पुुरुषोत्तम भण्डारी लगायतका कलाकारको अभिनय रहेको छ । भिडियोका दृश्य सम्पादन विश्वराम खण्डकाले गरेका छन् भने पोष्ट प्रोडक्सन ब्रम्हयाणी डिजिटल मिडियाले गरेको छ । छाँयांकनको शृङगार पुुनम दाहलले गरिकी छन् ।
गायक बिष्टको यस अघीको प्रेम गित सानुु तिमिले भन्ने बोल निकै चर्चामा पुुगेको थियो । पश्चिमी भाका शैलीमा तयार पारिएको यो गीत प्रकाशित भएको ५ दिनमै ५० हजार भन्दा बढी दर्शकहरुले हेरेका थिए । पेशाले राष्ट्रसेवक कर्मचारी रहेका गायक बिष्ट गायकका साथै रचनाकार पनि हुन् । ‘मान्छे हामी, घातभित्र आघात, मत जिउदा जिउदै हारेको मान्छे’ सानु् तिमिले र यस पछि फर्कि आउन साथी संगी उनको आफ्नै लय र शब्दका गीतहरुहुन ।
भिडियोः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
