जनकपुरधाममा आज पनि होलीको रौनक

समाचार

नेपाल लाइभ शनिबार, चैत २, २०८१ ११:५७

काठमाडौँ –सामान्यतया मधेस प्रदेशमा तीन दिनसम्म होली पर्व मनाइन्छ । आज अन्तिम दिन जनकपुरधाम क्षेत्रमा होली पर्व मनाइँदै छ । १५ दिने धार्मिक माध्यमिकी परिक्रमाको अन्तिम चरण पञ्चकोशी परिक्रमाको भोलिपल्ट जनकपुरधाम क्षेत्रमा होली पर्व मनाउने परम्परा छ । परिक्रमा शुक्रबार सम्पन्न भएको हो ।

यस्तै, होली पर्वको अवसरमा जनकपुरको मिथिला नाट्य कला परिषद् (मिनाप) ले आयोजना गरेको महामुर्ख सम्मेलनको उपाधि मधेस प्रदेशका मुख्यमन्त्री सतिशकुमार सिंहले पाएका छन् । मधेशको स्वास्थ्य क्षेत्रमा रहेका बेथितिलाई हटाउन अग्रसरता लिएका कारण मुख्यमन्त्री सिंहलाई यस वर्षको महामुर्खको उपाधि दिइएको मिनापले जनाएको छ ।

जनकपुरधाम उपमहानगरपालिकाका प्रमुख मनोज साहले मुख्यमन्त्री सिंहलाई महामुर्ख उपाधिबाट सम्मानित गरेका थिए । साहित्यकार एवं गीतकार सियाराम झालाई पटमुर्खको उपाधि प्रदान गरिएको छ । जनकपुरधाम सहित महोत्तरी लगायत तराईका विभिन्न क्षेत्रहरुमा आज धुमधामका साथ होली मनाइँदैछ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

उमेर हुनजेल लोकसेवा लड्न दिऔँ –सांसद ज्वाला

बाजुरामा जिउँदै गाईलाई नदिमा बगाउनेलाई कारवाहीको माग

प्रतिनिधिसभा बैठक सुरु (Live)