काठमाडौँ – वरिष्ठ लोकगायक एवं सारंगी वादक लालबहादुर गन्धर्वको निधन भएको छ । क्यान्सरबाट ग्रस्त उनको बिहीबार दिउँसो तीन बजे आफ्नै निवासमा ८० बर्षको उमेरमा निधन भएको हो ।
पृथ्वीनारायण शाहको जीवनी, जङ्गबहादुरको सत्ता उत्थान, ९० सालको महाभूकम्प, विश्वयुद्ध, डाँफे चरी लगायतका अनेकन् कर्खा, सवाई उनले रेडियो नेपालमा गाएको उनको गायन र सारङ्गी वादनले राष्ट्रिय स्तरमा ख्याति कमाएका थिए ।
लाल बहादुर गन्धर्वको १४ वैशाख २००२ मा सल्यानको बयलडाँडाँमा भएको थियो । ९ वर्षको उमेरदेखि सारङ्गी बजाउन थालेका गन्धर्व लामो समयदेखि गोरखाको घ्याम्पेसालमा बस्दै आएका थिए । उनले २०११ सालबाट आफ्नो साङ्गीतिक यात्रा सुरु गरेका थिए ।
२०२२ सालमा राजा महेन्द्रको अगाडि भूमि सुधारको गीत गाएर रेडियो नेपालमार्फत लोक सङ्गीतको क्षेत्रमा योगदान गर्न थालेका गन्धर्वले नेपाली सङ्गीतलाई बचाउन र प्रोत्साहित गर्न महत्वपूर्ण भूमिका निभाएका थिए । लोक सङ्गीत क्षेत्रमा महत्वपूर्ण योगदान दिने गन्धर्व समुदायका प्रमुख व्यक्तित्व गन्धर्वको निधनसँगै नेपाली लोक सङ्गीतको एक युगको समाप्त भएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
