काठमाडौं– आगामी मंसिर ७ मा रिलिज हुने चौथो सिनेमाको घोषणा भएको छ। ‘तेल भिसा’, ‘अग्निदहन’ र ‘देव वाणी’ रिलिज हुने घोषणा भइसकेको यो मितिमा ‘सारंग’ नामक सिनेमा थपिएको छ ।
बिहीबार फर्स्टलुक पोस्टर सार्वजनिक गर्दै सिनेमाको प्रदर्शन मिति घोषणा गरिएको हो । सार्वजनिक पोस्टरमा अभिनेत्री ऋचा शर्मालाई विवाहित महिलाका रुपमा प्रस्तुत गरिएको छ।
गलामा रातो पोते लगाएकी ऋचालाई अभिनेता उत्पल झाको पाखुरा समातेर खुसी मुद्रामा देख्न सकिन्छ । यसैगरी पोस्टरमा बालकलाकार सम्राट थापा र आदित्य कार्कीलाई पनि स्थान दिइएको छ।
पोस्टरबाट सिनेमाले आमाबुबा र सन्तानको सेरोफेरोमा कथा भन्ने संकेत गर्छ। सिनेमाले बाल मनोविज्ञान र धनी-गरिबको खाडलको कथा पेस गर्ने जनाइएको छ।
नृत्य निर्देशक शान्त तामाङ सिनेमाका निर्देशक हुन् । उनी नृत्य निर्देशन हुँदै यो सिनेमाबाट सिनेमा निर्देशन डेब्यू हुन लागेका हुन्।
सिनेमामा स्क्रिप्ट पनि उनकै रहेको छ। सिनेमामा ऋचा तथा उत्पलका अलावा समीरमणि दीक्षित, सुरज तमु, मणि के राई, अनिषा न्यौपाने, निरज ब्ल्याक, दीपिका थापा, विश्व स्याङ्वो लगायतको अभिनय छ । गोपाल रायको डिओपी र मित्र ध्वज गुरुङको सम्पादन रहेको ‘सारंग’मा शंकर थापा ‘स्माइल’को संगीत छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
