काठमाडौं– अभिनेत्री स्वस्तिमा खड्काले आगामी शुक्रबार घटस्थापनाको दिन रिलिज हुन लागेको आफू निर्मित पहिलो सिनेमा ‘बेहुली फ्रम मेघौली’ नारीप्रधान भएपनि परम्परागत रुपमा बुझिने रोनाधोनायूक्त नारीप्रधान सिनेमा भने नभएको बताएकी छिन्।
उनले आफूलाई सिनेमा प्रस्ताव गरिदां नारीप्रधान भनिएको र सुरुमा आफूलाई पनि रोनाधोनायूक्त सिनेमा हो की भन्ने परेको बताइन्।
कारण उनलाई सिनेमाका निर्देशक तथा लेखकदोय साजन बराल र आकाश काफ्ले स्क्रिप्ट दिदां नारी पात्र केन्द्रित एउटा नारीप्रधान सिनेमा भएको बताएका थिए।
स्क्रिप्ट पढेपछि भने उनले सिनेमा नारीप्रधान भएपनि रमाइलो कथा बोकेको सिनेमाका रुपमा पाएको बताइन्। यसले सिनेमा गर्न आफू थप आकर्षित भएको उनको भनाइ छ।
सिनेमाले यसकी मुल पात्र ३० टेक्न थाल्दा पनि अविवाहित बसेकी र परिवार तथा समाजको जसरी नी बिहे गर्नैपर्ने दबाबमा रहँदाको कथा पेस गर्छ। यो अवस्था उनका लागि समस्यायूक्त भएपनि तर दर्शकका लागि यो परिदृश्यमा निर्माण हुने परिस्थितिहरु मनोरञ्जक भएको उनको दाबी छ।
‘स्क्रिप्ट पढ्नु पहिले निर्देशकहरुले यो नारीप्रधान सिनेमा भन्नुभएको थियो । नारीप्रधान सिनेमा भनेपछि हाम्रो दिमागमा कस्तो हुन्छ भने अलिक गम्भिर, दुःख देखाउने सिनेमा भन्ने लाग्छ नि । मलाई कसैले नारीप्रधान सिनेमा छ है भन्यो भने अलि दुखीयारी किसिमको कथा भइरहेको हुन्छ। स्क्रिप्ट पढ्नु मलाई पनि त्यस्तै सिनेमा होला भन्ने लागेको थियो’, स्वस्तिमाले भनेकी छन्, ‘स्क्रिप्ट पढ्नु अगाडि निर्देशकले केही कथा भनेको पनि थिएन। त्यही सोचेर म स्क्रिप्ट पढ्न बस्या थें। नारीप्रधान हुँदाहुँदै पनि यो व्यवसायिक र दर्शकले रमाइलो लिने सिनेमा हो।
स्वस्तिमाले आफ्नो सिनेमा एउटा लक्षित वर्गलाई मात्र नभइ सबैखाले दर्शकका लागि बनाइएको बताइन्। ‘नारीप्रधान सिनेमा मात्र भन्दा निश्चित दर्शक केन्द्रित हुनजान्छन्। योचाँहि व्यवसायिक पक्ष भएको परिवारसँग गएर हेर्ने सिनेमा हो जहाँ एउटा खास विषयलाई लिएर रमाइलोसँग बनाएको सिनेमा हो’उनले आफ्नो सिनेमाका पारेमा स्पष्ट पार्दै भनिन्।
यस बारेमा सिनेमामा उनीसँग स्क्रिन सेयर गरिरहेका पति निश्चल बस्नेतले पनि समान धारणा व्यक्त गरेका छन्।
‘यो परिवारसँग बसेर हेर्दा झन् महशुस गर्न सकिने सिनेमा हो। यसमा बिहे गरिसक्नुभएकाले पहिलाको कुरा सम्झेर धेरै मनोरञ्जन लिनुहुनेछ भने बिहा गर्न बाँकीहरुले योचाँहि अहिले नै मेरो जीवनमा भइरहेको छ भनेर उहाँहरुले महशुस गर्नुहुनेछ।’
सिनेमाको गीतसंगीत तथा ट्रेलरले दर्शकको मन जितिरहेको छ। विशेषगरी ‘छड्के सलाम’ गीतले टिकटक तथा यू्ट्यूबमा धेरै नै राम्रो लोकप्रियता बटुलिरहेको छ। यस्तै एउटी कुमारी युवती प्रेमिल मनको भावना व्यक्त गरेको ‘उडायो मन’ बोलको गीतले युवतीहरु मन जितेको टिकटकमा बनेका भिडियोहरुको संख्या हेर्दा बुझ्न सकिन्छ।
यस अर्थमा घटस्थापनामा रिलिज हुने सिनेमाले दर्शकलाई पूर्णरुपमा मनोरयझ्न प्रधान गर्नेमा कुनै शंका छैन।
‘बेहुली फ्रम मेघौली’मा निश्चल स्वस्तिमाका अलवा वसुन्धरा भुषाल, विजय बराल, सिमरन खड्का, लोकेन्द्र लेखक, रक्षा थापा, सिरु बिष्ट, आमिर गौतम, शिशिर सिवाकोटी, टीका पहारी, प्रभाकर शर्मा, लुनिभा तुलाधर, मुकुन्द मैनाली र रामबाबु रेग्मीको अभिनय रहेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768105924.png)
-1768103406.png)
-1764146706.png)
