काठमाडौं– भोली शुक्रबारदेखि देशभरका हलमा रिलिजमा आउन लागेको सिनेमा ‘वर एण्ड वधु’ले बुधबार बेलुकी ललितपुरको लाबिम मलमा भएको प्रिमियरमा उत्साहजन प्रतिक्रिया पाएको छ।
मिलन चाम्स निर्देशित सिनेमाको ‘रेड कार्पेट मिरर वाल्क’ नामको थिम प्रिमियरमा फिल्मीकर्मी, पत्रकार र राजनीतिज्ञहरुको उपस्थिति थियो। एलआरके इन्टरटेन्मेन्टको व्यानरमा निर्माण भएको सिनेमा हेर्नका लागि राप्रपाका अध्यक्ष राजेन्द्र लिङ्देन, वरिष्ठ कलाकारद्धय मदनकृष्ण श्रेष्ठ र हरिवंश आचार्य, नायिका मिरुना मगर, कलाकार पशुपति राई, निर्देशक ज्ञानेन्द्र देउजा, दीपाश्री निरौला, सुयोग गुरुङ, हाँस्य कलाकारहरु केदार घिमिरे, जितु नेपाल, निर्माता सरोज न्यौपाने, कलाकार उषा रजक लगायत हल पुगेका थिए।
यस्तै, सिनेमाका मुख्य कलाकारहरु आँचल शर्मा, किरण केसी, विवेक कर्मचार्य, कुसुम शर्मा, विजु पार्की लगायत पनि हल पुगेका थिए। सिनेमा हेरेपछि राप्रपाका अध्यक्ष राजेन्द्र लिङ्देनले हरेक कोणबाट सिनेमा उत्कृष्ट बनेकोमा सबैलाई हेर्न आग्रह गरे। यस्तै, वरिष्ठ कलाकारद्धय हरिवंश आचार्य र मदनकृष्ण श्रेष्ठले पनि सिनेमाको दृश्य, कथावस्तु, कलाकारको अभिनय र निर्देशकिय पाटोको तारिफ गरे। सिनेमा हेरेपछि निर्देशक दीपाश्री निरौलाले समग्रमा सिनेमा उत्कृष्ट बनेको बताइन्।
उनले, आँखा शित्तल हुने सिनेमा हेर्न पाएकोमा खुशी व्यक्त गरिन्। यस्तै, कलाकार केदार घिमिरेले पनि सिनेमा नै राम्रो बनेको प्रतिक्रिया दिए। निर्देशक सुयोग गुरुङले यस्तो सिनेमा हेर्दा आफूलाई निकै रमाइलो लाग्ने भन्दै निर्देशक मिलन चाम्सले दर्शकको चाहना अनुसार सिनेमा बनाएको प्रतिक्रिया दिए।
नायिका मिरुना मगरले आँचल शर्मालाई यो भूमिका निकै सुहाएको प्रतिक्रिया दिइन्। उनले, आँचलको भूमिकाले दर्शकको मन जित्ने विश्वास व्यक्त गरिन्। सिनेमा हेरेका अधिकांशले नव–नायक विवेक कर्माचार्यको कामको पनि खुलेरै तारिफ गरे। विवेक नयाँ नायक जस्तो नलागेको अधिकांशको भनाई थियो।
भोलिबाट रिलिजमा आउन लागेको सिनेमाले मल्टिप्लेक्समा सुखद शो पाएको छ। यसैले, देशभरका दर्शकले यो सिनेमालाई रुचाउने विश्वास गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791212224.jpg)
-1786602170.png)
-1791090469.jpeg)
