काठमाडौं– कात्तिक १५ गते रिलिज हुने प्रदिप खड्का स्टारर ‘एक्टर: टेक वान’को दोस्रो पोस्टर सार्वजनिक भएको छ। पोस्टरमा अभिनेता खड्कालाई लामो कपालमा मुहारभरी चोटपटक लागेको देख्न सकिन्छ।
‘एक्टर’मा प्रदीपसँगै डेव्यु अभिनेत्री दिव्या रायमाझी, आना शर्मा, राजवल्लभ कोइराला, दिव्य देव, सुशील सिटौलालगायत कलाकारको अभिनय रहनेछ। अभिनेता खड्काले पहिलो पटक सिनेमाको पर्दामा आना र दिव्यासँग सहकार्य गर्न लागेका हुन्।
राजन भुसाल सिनेमाका निर्देशक हुन्। थमन कुमारी भण्डारीले निर्माण गरेको सिनेमामा क्रिएटिभ प्रोड्यूसर मोती कार्की रहेका छन् भने लाइन प्रोड्युसरमा तोरन क्षेत्री हुन्। सिनेमाको कथा आकाश बराल र निर्देशक भुषालले संयूक्त रुपमा लेखेका हुन्।
सिनेमामा शिशिर खाती र किरण थापाको कोरियोग्राफी, अष्टम महर्जनको द्वन्द्व कृष्णमान तामाङको आर्ट डिरेक्सन, हर्कुलस बस्नेत, रोहित शाक्य र एलिस कार्कीको संगीत रहेको छ।
मुख्य सहायक निर्देशकमा आकाश उखेडा र राजेश विश्वकर्मा रहेको सिनेमामा विशाल जंग, समय थपलिया, जीवन ढुंगेल, सुमन कार्की सह निर्देशक रहेका छन्।
यसैगरी सिनेमामा निमेश श्रेष्ठको सम्पादन, राजेन्द्र मुक्ताङको कलर, सायल खानको पोस्ट प्रोडक्सन सुपरभाइजर, रेलिजा श्रेष्ठको प्रोडक्सन डिजाइनर, नविन श्रेष्ठको साउण्ड, रोमन बज्राचार्यको ब्याकराउण्ड स्कोर, विवेक खकुरेलको सोसल मिडिया म्यानेजर, सोसल मिडिया कन्सेप्ट राइटरमा ज्ञानु संगम खड्का, काव्य थापाको मेकअप, बसन्त बुढा र अनिका श्रेष्ठको कस्ट्युम डिजाइन रहेको छ।
यो सिनेमाको वितरणको जिम्मा एप्पल इन्टरटेन्टमेन्ट र डिसिएनले लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
