राजेश नयाँ सिनेमा अनुबन्धित

समाचार

नेपाल लाइभ सोमबार, साउन २१, २०८१ १२:५५

काठमाडौं– विगत ५ वर्ष यता ठूलो पर्दामा नदेखिएका महानायक राजेश हमाल नयाँ सिनेमामा अनुबन्धित भएका छन्। हमाल निर्देशक दिवाकर भट्टराईको नाम घोषणा नभइसकेको सिनेमाका लागि अनुबन्धित भएका हुन्।

आइतबार निर्माता तथा निर्देशक भट्टराई र महानायक हमालबीच लिखित सहमति भएको हो। हमालले सामाजिक सञ्जालमा तस्वीर राख्दै आफू दिवाकरको फिल्ममा अनुबन्धित भएको जानकारी दिएका हुन्।

सहमतिको जानकारी दिँदै उनले लेखेका छन्,‘लामो अन्तरालपछि दिवाकर भट्टराईले निर्देशन गर्ने फिल्ममा काम गर्दैछु।’

हमालको पछिल्लो रिलिज सिनेमा 'सीता' हो। भदौबाट छायाँकनमा जाने तयारीमा रहेको यो सिनेमा एक्सन सिनेमा हुने बताइएको छ। बाँकी कास्ट र क्रुको बारेमा निर्माणपक्षले केही दिनमा सार्वजनिक गर्ने जनाइएको छ।

निर्देशक दिवाकरले फिल्मको कथावस्तु मनपराएपछि हमाल आफ्नो फिल्ममा अभिनयका लागि तयार भएको र यो फिल्मले राजेश हमालको गर्विलो कमब्याक गराउने दावी गरे।

स्मरण रहोस् दिवाकरले १२ वर्ष अगाडि आफ्नो डेब्यू सिनेमा 'मेरो जीवनसाथी'मा हमालसँग काम गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनकपुर बोल्टसविरूद्ध अभद्र र अपमानित नारा लगाउनेमाथि कारबाही गर्न मधेसी आयोगको सिफारिस

सिरहामा एकवर्षमा मानवअधिकार उल्लङ्घनका अठासी घटना

एनपीएलमा च्याम्पियन बनेको जनकपुर बोल्ड्सको यस्तो छ यात्रा