काठमाडौं– विभिन्न कारणले बेसहारा बनेका बुवाआमाको कथामा डकुमेन्ट्री सर्ट फिल्म 'लापत्ता सन्तान' निर्माण भएको छ।
रामजी ज्ञवालीको लेखन, निर्माण एवं निर्देशन रहेको फिल्मको मंगलबार मात्रै फस्र्टलुक पोस्टर सार्वजनिक गरिएको छ। पोस्टरमा फिल्मका शीर्ष कलाकारहरू रश्मी भट्ट, ओजस्वी विक्रम विष्ट, आशिष पराजुली, सबिना राउत, निलम भट्ट र मनिष पी निरौलालाई देख्न सकिन्छ।
विभिन्न कारण आश्रम पुगेका बुवाआमा र उनीहरूका सन्तानको कथा फिल्मले उठान गरेको पोस्टरबाट अनुमान गर्न सकिन्छ।
फिल्मको टिजर केही दिनमा सार्वजनिक गरिने निर्देशक ज्ञवालीले बताए। निरज कंडेलको डिओपी र नहकुल खड्काको सम्पादनमा तयार भएको फिल्मको कलर संयोजन राजेन्द्र मोक्तानले गरेका हुन्।
निर्देशक ज्ञवालीले यसअघि निर्देशन गरेका 'डार्क मुन', 'एक लभर', 'आराध्या', 'हनिमुन' लगायतका सर्ट फिल्महरू सार्वजनिक भइसकेका छन्।
विशेष शो र फेस्टिभललाई लक्षित गरेर निर्माण गरिएको डकुमेन्ट्री सर्ट फिल्म 'रित्तो गाउँ' भने युट्युबमा सार्वजनिक गरेका छैनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786634393.jpg)
-1786602170.png)
-1764146706.png)
-1786513116.png)
