काठमाडौं– ‘बेहुली फ्रम मेघौली’को फर्स्टलुक पोस्टर सार्वजनिक गरिएको छ। शनिबार सार्वजनिक पोस्टरमा फिल्मकी मुख्य अभिनेत्री स्वस्तिमा खड्कामात्र फिचर भएकी छन्।
पोस्टरमा बेहुलीको भेष एक उभिएर एक हातले ट्र्याक्टर हाँकेर अर्को हातको औला तेर्स्याउँदै कासैलाई चर्को स्वरमा कराइरहेको भावमा देख्न सकिन्छ।
आखिर यसरी उनले कसलाई कराइरहेकी छन्? यसको उत्तर सिनेमाको टिजर वा ट्रेलर वा त्यो पनि नभए सिनेमा रिलिजपश्चात खुलासा हुने नै छ।
तर यो पक्का हो की यो पोस्टरले स्वस्तिमाको चरित्रलाई लिएर कौतुहल्ता जगाउने काम भने गरेको छ।
सिनेमामा यही वर्षको दशैंमा रिलिज हुँदैछ।
साजन काफ्ले र आकाश बरालको संयुक्त निर्देशन रहेको सिनेमामा स्वस्तिमाको जोडी उनकै श्रीमान् निश्चल बस्नेत बनेका छन्।
काफ्ले एवम् बरालकै जोडीले सिनेमाको कथा लेखेका हुन् भने यो उनीहरुको डेब्यू निर्देशन हो।
रोमको जनरामा रहेको सिनेमामा स्वस्तिमा तथा निश्चलका अलावा आमिर गौतम, विजय बराल, सिम्रन खड्का लगायतको पनि अभिनय रहेको छ।
स्वस्तिमा खड्का तथा निश्चल बस्नेतको संयूक्त निर्माण रहेको फिल्मका कार्यकारी निर्माता शंकर पाण्डे र फिरोज खड्का हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
