काठमाडौं– भारतीय टिभी सोनीको चर्चित शो ‘सीआईडी’का इन्सपेक्टर दिनेश फडनिशलाई हर्टअट्याको भएको छ। उनलाई गत शुक्रबार राति हर्टअट्याक भएको सोही शोका अर्का कलाकार दयानन्द शेट्टीले पुष्टि गरेका छन्।
तुरुन्त अस्पताल पुर्याइएका उनको स्वास्थ्यमा सुधार हुँदै गएको बताइएको छ। अहिले उनको शरीरले राम्रो रेस्पोन्स गरिरहेको शेट्टीले बताएका छन्।
५७ वर्षका उनलाई भेन्टिलेटर सपोर्टमा राखेर उपचार गरिँदैछ। मुम्बईको तुंगा अस्पतालमा उनको उपचार जारी छ। उनी उक्त शोमा इन्सिपेक्टरको भूमिकामा देखिएपछि चर्चित बनेका हुन्। उनले केही टिभी सिरियल र हिन्दी फिल्ममा काम गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
